𝘿í𝙡𝙞, 18 𝙈𝙖𝙞𝙤 2026–Ministru Komérsiu no Indústria, Sr. Nino Pereira hasoru malu ho ekipa Assosiasaun Nasionál Jovens Empresários Timorenses (ANJET), iha sala gabinete MCI, Fomentu Mandarin Díli.

Objetivu hosi enkontru ne’e atu konvida Sua Excelência Ministru Nino Pereira, atu sai panelista iha eventu Internasionál ANJET–YEGAP, ne’ebé sei realiza iha loron 26 Maiu 2026.

Eventu ida ne’e ho tema: “Strengthening Business Ties Between Timor-Leste and Asia Pacific Countries”, sei realiza iha kontestu vizita hosi YEGAP – Young Entrepreneurs Asia Pacific.

Moméntu importante mak sei assina Memorandum of Understanding (MoU) entre ANJET ho YEGAP, atu hametin ligasaun, kolaborasaun no oportunidade ba jovens empreendedór Timor-Leste ho rede empreendedór iha Ásia-Pasifíku.

MCI fiar katak prezensa no kontribuisaun hosi Sua Excelência Ministru sei fó valor boot ba diskusaun, liuliu iha área komérsiu, indústria, investimentu no papel jovens empreendedór sira atu kontribui ba dezenvolvimentu ekonomiku nasional.

𝙈𝙚𝙙𝙞𝙖 𝙈𝘾𝙄

See less