Prosesu selesaun ida-ne’e hala’o entrevista ho objetivu atu halo asesmentu ba kandidatu sira-nia abilidade ho komunikasaun iha lian Inglés, tuir rekezitus no kriteria ne’ebé empregador determina.

Iha sesaun rekrutamentu ida-ne’e, reprezentante husi DNEE marka prezensa hodi asegura katak prosesu selesaun la’o ho dalan ne’ebé organizadu, justu, no transparente. Iha tempu hanesan, sira mos fasilita koordenasaun entre empregadór ho kandidatu sira durante prosesu selesaun.

Atividade rekrutamentu ida-ne’e hatudu komitmentu husi SEFOPE–DNEE atu expanda oportunidade servisu iha rai liur ba Timoroan sira liu husi Eskema RSE rasik, Agricultural Team Work (Hawkes Bay) Ltd, koñesidu mós hanesan Team Work (Hawkes Bay) Ltd, Team Work HB, ka Team Work HB Limited, maka empreza kontratasaun/fornesimentu traballadór nian ne'ebé bazeia iha Hastings, Hawke's Bay, Nova Zelándia. Ida-ne'e fornese traballadór kualifikadu sira ba indústria agrikultura, ortikultura, vitikultura no florikultura.