Asuntu : 𝐓𝐑𝐀𝐁𝐀𝐋𝐋𝐀𝐃𝐎𝐑 𝐁𝐄𝐍𝐄𝐅𝐈𝐒𝐈𝐀𝐑𝐈𝐔 𝐁𝐀 𝐏𝐑𝐎𝐆𝐑𝐀𝐌𝐀 𝐏𝐀𝐋𝐌 𝐍𝐎 𝐅𝐀𝐌𝐈𝐋𝐈𝐀 𝐁𝐄𝐍𝐄𝐅𝐈𝐒𝐈𝐀𝐑𝐈𝐔 𝐏𝐀𝐋𝐌 𝐍𝐈𝐀𝐍, 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐒𝐄𝐌𝐈𝐍𝐀𝐑𝐈𝐔 𝐑𝐄𝐈𝐍𝐓𝐄𝐆𝐑𝐀𝐒𝐀𝐔𝐍 𝐈𝐇𝐀 𝐌𝐔𝐍𝐈𝐒𝐈𝐏𝐈𝐔 𝐌𝐀𝐍𝐔𝐅𝐀𝐇𝐈. Manufahi, loron, 16 fulan Setembro, Sekretária Estado ba Formasaun Professional Empregu, liu husi Diresaun Nasional Empregu Estranjeiru hamutuk ho Departemento Reintegrasaun realija seminariu reintegrasaun durante loron rua hahu husi loron 15 -16 fulan setembru 2025 iha salaun (CCDC – Cablaqui Community Development Center). Iha seminariu ne’e hetan partisipa husi Diretúr Arbitrazem Mario Salsinha, ne’ebe reprezenta Diretúr Diresaun Nasional Empregu Estranjeiru, akompania husi Xefe Gabinete, Sr. Abelito Victor da Costa, ne’ebe representa Presidente Autoridade Munisipiu Manufahi – PAM, no Diretúr Sefope Munisipiu Manufahi, Sr. Alberto da Costa Pereira ao mezmu tempu Xefe Gabinete mos loke abertura ba programa seminariu reintegrasaun ba loron dahuluk, Xefe Gabinete ne’ebe representa PAM-Manufahi hatete “ apresia ba Governu liu husi Sefope Diresaun Nasional Empregu Estranjeiru ne’ebe maka ho inisiativa di’ak ba traballador benefisiariu ba programa PALM, ne’ebe maka hetan ona esperensia iha Australia bele aplika iha Munisipiu Manufahi, no halo netik kontribuisaun ba nasaun Timor li-liu iha Munisipiu Manufahi, no aproveita didiak tempu no formasaun ne’ebe orador sira fahe. Iha parte seluk mos Sr. Diretúr Mario Salsinha, hatete “ Sefope liu husi Diresaun Nasional Empregu Estranjeiru sei akompania nafatin traballador benefisiariu sira iha programa PALM ne’ebe fila ona mai Timor Leste hodi fahe sira nian esperensia no liga ho traballador benefisiariu ba instituisaun relevante hodi tulun sira oinsa bele utilija abilidade no remesa ne’ebe sira iha hodi kontribui ba desenvolvimentu iha Timor Leste, no liga mos familia husi traballador benefisiariu Programa PALM, ba apoiu sosial no psikososial hodi tulun trabalaldor benefisiariu nia prosesu reintegrsaun iha familia no komunidade. Iha seminariu reintegrasaun ne’e mos, traballador benefisariu ba programa PALM sira hetan formasaun husi orador 4 mak hanesan (IADE, hodi koalia konaba jestaun negosiu ba traballdor retornu hodi kria servisu ba a’an rasik no oportunidade empregu ba Timor oan rasik), (SERVE, halo apresentasaun ba prosesu rekerimentu oinsa atu registu no stabelese negosiu) ,(SEI, sesaun informasaun konaba saida mak jeneru no prevensaun violensia bazeia ba jeneru), no (BNCTL, sesaun informasaun konaba kreditu suave), aleimde apresentasaun husi intituisaun relevante sira, iha mos apresentasaun mos husi (DNE, konaba programa auto empregu), iha parte seluk mos traballador benefisiariu ho familia traballador benefisiariu PALM hetan mos sesaun konaba Reversa Xoke Kultura” traballador benefisiariu PALM hato’o esperensia reintegra mai familia no komunidade wainhira fila mai Timor Leste nomos iha sasaun informasaun konaba oinsa mak taballador benifisiariu sira reklama sira nia osan pensaun ne’ebe sira hetan iha Nasaun Australia.
Data Publica : 17 Sep 2025
Descrisaun :