Dili loron 15, fulan-Maiu, tinan 2026, Sekretária Estadu ba Formasaun Profissionál no Empregu Interinu, Sua Exelênsia Eng. Arsénio Pereira da Silva, M.Agr, Atual Sekretáriu Estadu Koperativas, partisipa iha serimònia asina deklarasaun entre Governu Timor Leste ho traballadór Timor oan na'in 20 ho familia molok ba servisu iha nasaun Nova Zelândia.

Iha diskursu Sekretáriu Estadu interinu hateten, ohin sai momentu espesial ida ba nasaun Timor-Leste, tanba haruka tan traballadór Timor-oan na'in 20 ba servisu iha nasaun Nova Zelândia hanesan grupu ba daruak.

"Loron ida ohin, marka tan buat bo'ot ida ne'ebé halo ita hôtu sente orgullu hó ita nia programa mobilidade laboral nian. Ita halibur hamutuk iha ne'e hó laran haksolok atu simu ita nia grupu daruak ne'ebé mak kompostu husi sira nain 20 ne'ebé sei ba servisu iha Nasaun Nova Zelândia, iha kompaña Hortus" hateten Atual Sekretáriu Estadu Kooperativas.

Nia fundamenta katak, RSE pasu importante ida hodi kria kooperasaun ba iha Mobilidade laborál ne'ebé boot ba iha futuru.

Hanesan ita hotu hatene katak Eskema recognized seasonal Employer (RSE), kuntinua sai hanesan dalan importante ida hodi hametin kooperasaun mobilidade Laboral no kria oportunidade empregu ne'ebe bo'ot liu ba traballador Timoroan sira, iha setor hortikultura no vitikultura iha Nova Zelândia" dehan Sekretáriu Estadu SEFOPE interinu.

Sekretáriu Estadu ne'e akresenta katak, Skema RSE laos kria deir empregu, maibe kria mós dezenvolvimentu atu traballadór sira fila hadiah ekonomia familia no nasaun.

"Eskema RSE lao laos deit atu to oportunidade iha rai liur, maibe mos kontribui ba dezenvolvimentu abilidade, aumenta rendimentu, disiplina servisu, hadia ekonomia traballador no familia sira nian nomos hasae kresimentu ekonomia nasaun nian." Tenik Governate ne'e.

Iha serimònia ne'e partisipa husi Deputy Embaixada Nova Zelândia nian iha Timor-Leste, Xefe Gabinete, Diretor Jerál SEFOPE Interniu, Diretora Senai Becora, kargu Xefia, traballadór no Familia.