Dili, 12 Maiu 2026

Governu liuhusi Ministru Transportes no Komunikasaun, Eng.Miguel Marques Gonçalves Manetelu realiza enkontru Koordenasaun kona-bá Dezenvolvimentu Servisu Rede Móvel no Internet ho Operadór Telekomunikasaun tolu hanesan Timor-Telekom, Telemor no Telkomsel iha sala enkontru MTK Kaikoli Dili.

Enkuantu Timor-Leste kontinua avansa nia ajenda transformasaun dijitál nasionál, governu tau importánsia maka'as hodi asegura katak rede móvel no internet servisu sira ne'ebé konfiável, inkluzivu ho kualidade aas iha teritóriu nasionál.

“Ministériu Transporte no Komunikasaun rekoñese no valoriza importante papél ne'ebé maka ita-boot nia organizasaun ida-idak hala'o hodi habelar telekomunikasaun sira, servisu no apoiu bá dezenvolvimentu nasionál. Haree bá demanda ne'ebé aumenta bá konetividade no espetativa sira ne'ebé evolui husi utilizadór sira, iha interese ne'ebé fahe hametin kobertura servisu, dezempeñu no reziliénsia” dehan Ministru Manetelu.

Enkontru ne'e fornese oportunidade hodi Troka hanoin kona-bá estatutu atuál rede móvel no servisu internet nian, kobertura teritóriu nasionál, halo revizaun bá kapasidade infraestrutura dezempeñu servisu; Diskute prioridade estratéjiku sira no diresaun sira ne'ebé planeadu bá dezenvolvimentu rede nian, iha maneira ida ne'ebé respeita konfidensialidade husi sensivel komersiál sira.

Iha enkontru ne’e mós operadór sira halo mós aprezentasaun kona-bá vizaun jerál ida bá rede móvel no kobertura servisu internet nian ne'ebé eziste; Informasaun jerál kona-bá kapasidade infraestrutura, indikadór dezempeñu servisu, konsiderasaun operasionál xave sira. Perspetiva sira nivel aas nian kona-bá prioridade sira dezenvolvimentu rede nian no espansaun diresaun sira, inklui prazu indikativu sira bainhira apropriadu.

https://sdi.gov.tl/ministerio/presrealease/create

𝐌𝐞́𝐝𝐢𝐚 𝐌𝐓𝐊