Oekusi, 15 Maiu 2026

Ekipa Diresaun Nasionál Transportes Terrestre lideradu husi Xefe Departamentu Apoiu Téknika Administrativa DNTT, Nelson Sequeira Martins desloka bá iha RAEOA, hodi hasoru malu ho Diretór Rejionál Servisu Transportes Terrestes RAEOA, UPF, Alfandega, Migrasaun, no Kuarantena hodi halo koordenasaun kona-bá estabelesimentu dekretu lei no 6/2025 kona-bá Báskula Automátika (Balansu rodoviária).

Xefe Departamentu Apoiu Teknika Administrativa DNTT, Nelson Sequeira Martins esplika bazeia orientasaun husi Ministru Transportes no Komunikasaun, Eng.Miguel Marques Gonçalves Manetelu bainhira iha loron 19 fulan Abríl 2026 Ministru hala’o nia vizita servisu bá iha RAEOA, hodi observa Servisu Transportes Terrestre iha entre Timor-Leste no Indonézia iha sakato. Nune'e Ministru Manetelu orienta DNTT atu halo Koordenasaun ho Servisu Rejionál Transportes Terreste RAEOA atu implementa Dekretu Lei ne'e hodi nune'e halo kobransa tasa administrasaun bá kamioneta sira husi indonézia ne’ebé tula sasan tama fronteira sakato no oesilo.

https://sdi.gov.tl/ministerio/presrealease/create

𝐌é𝐝𝐢𝐚 𝐌𝐓𝐊