Dili, 18 Maiu 2026

Ministériu Transportes no Komunikasaun, liuhusi Diresaun Nasionál Transportes Terrestre, hahu pinta estrada no zebra cross sira iha Dili laran ne'ebé maioria tinta sira ne'e lakon hotu ho nune'e. Atividade ne’e hala’o iha Estrada diresaun rotunda Prezidente Nicolau Lobato Komoro to’o Aitarak Laran no sei kontinua pinta estrada no zebra cross ne’ebé maioria tinta lakon hotu ona.

Objetivu husi pinta estrada no zebra cross tanba Estrada públika mak fatin ne'ebé ema hotu uza hamutuk. Atu garante seguransa bá kondutór (motorista) no mós pedestre (bain-ain ne'ebé la'o ain), importante tebes atu ema hotu kompriende foka bá regra sira ne'ebé iha.

Ameasa boot liu iha estrada mak se ita la tau matan bá sinál no marka sira iha pista leten.

Pista Estrada (Lanes and Roads) Estrada mak dalan jerál ne'ebé liga fatin ida bá fatin seluk, se pista (lane) mak fahe iha estrada laran atu organiza movimentu karreta sira la'o tuir de'it sira-nia liña.

• Liña Kór Mutin Tutun : Signifika ita bele ultrapasa (liu) karreta ka motor seluk ne'ebé iha ita-nia oin, maibé tenke haree didi'ak uluk katak husi oin mamuk no seguru.

• Liña Kór Mutin Labas : Proibidu duni atu korta liña ne'e ka ultrapasa transporte seluk. Baibain liña ne'e tau iha fatin ne'ebé perigu, hanesan deklive kurva ka besik sidade laran.

• Pista Seguru: Sempre uza pista loos (karuk/kwan) tuir regra tránzitu nasionál nian no labele uza fali pista kontráriu nian maske mamuk tanba bele hamosu xoke frontál.

https://sdi.gov.tl/ministerio/presrealease/create

𝐌𝐞́𝐝𝐢𝐚 𝐌𝐓𝐊