Sua Exelénsia Ministru Juventude, Desporto, Arte e Cultura, Sr. Nelyo Isaac Sarmento, akompaña husi Sua Exelénsia Secretário de Estado da Arte e Cultura, Sr. Jorge Soares Cristóvão, hala'o audiénsia públika ho Komisaun G Parlamento Nacional, ohin, 21 Maio 2026.

Enkontru ne’e importante atu asegura kontinuidade programa juventude, desportu, arte no kultura ba benefísiu povu no foin-sa’e sira iha Timor-Leste tomak.

Audénsia ne’e lidera husi Prezidente Komisaun G Parlamentu Nasional, Deputadu Armando dos Santos Lopes, ho partisipasaun ekipa diretiva MJDAK.

Pontu importante sira husi audénsia:

• MJDAK halo ajustamentu interna atu asegura programa prioritáriu sira kontinua implementa.

• Redusaun orsamentu kuaze US$134.000 reflete situasaun ekonomia globál ne’ebé afeita mós Timor-Leste.

• Programa arte no kultura hetan impaktu boot liu, no balun iha setór desportu.

• To’o fulan Maiu 2026, MJDAK atinji taxa ezekusaun 47% ba obrigasaun orsamental no 43,72% ba ezekusaun programa.

“Maski iha kortes orsamentu, MJDAK sei kontinua hala’o programa sira ne’ebé fó impaktu direta ba juventude, desportu, arte no kultura, liuhusi reorganizasaun atividade no utilizasaun orsamentu ne’ebé disponivel,” dehan Sua Exelénsia Ministru Nelyo Isaac Sarmento.

MJDAK kontinua hametin servisu institusionál ho prinsipiu transparénsia, efisiénsia no responsabilidade atu asegura programa Governu sira kontinua fó benefísiu direta ba komunidade.

#MediaMjdak #GCI #MJDAK #TimorLeste #Juventude #Desportu #ArteNoKultura #OJE2026

Ver menos