Dili, 22 Maiu 2026 – Ministru Agrikultura, Pekuária, Peskas no Florestas (MAPPF), Eng. Marcos ”MAMETA” da Cruz MAgSt hamutuk ho Sekretáriu Estadu Pekuária, no Sekretáriu Estadu Florestas realiza audensia ho Komisaun D Parlamentu Nasionál hodi dezkute orsamentu ratifikativu ne’ebé MAPPF propoin atu aumenta númeru ekipamentu traktores hodi kontinua hasa’e produsaun agríkola iha rai laran.

“Orsamentu ratifikativu ne’ebé mak ami husu ne’e relasiona ho oinsá atu aumenta produsaun, liu-liu produsaun agrikultura. Ami husu iha ne’e atu aumenta númeru traktores no buat sira seluk tan ne’ebé iha ligasaun ho bens servisu nian”. Dehan Minisatru Marcos ‘’MAMETA’’ iha audensia ho Komisaunm D Parlamentu Nasionál iha salaun eis Ministeriu Finansas sesta ne’e.

Ministru salienta katak, desizaun ne’ebé Konsellu Ministru liu husi Primeiru Ministru maun boot Kay Rala Xanana Gusmão deside ona Ministériu mós submeter tanba ida ne’e mak desizaun ne’ebé lo’os liu. Tuir nia katak orsamentu ratifikativu, nu’udar Prekupasaun governu nian ne’ebé kona-bá problema funu ne’ebé ohin loron akontese iha médiu Oriente.

IX Governu konstitusionál haree katak iha nesesidade atu halo orsamentu ratifikativu hodi nune’e bele responde bá kestaun ne’ebé afeta bá konvustivel. Ne’e duni hanesan Ministériu Tékniku submete bá desizaun Konsellu Ministru no desizaun Primeiru Ministru nian.

Nune’e mós orsamentu Ministériu Agrikultura, Pekuária, Peskas no Floresta nian ne’ebé hetan aprovadu husi OGE tinan 2026 hamutuk millaun $22,450.883 husi orsamentu ne’ebé iha ninia ezekuasaun to’o ohin loron atinje ona total hamutuk 18.4%.

“Ami iha osan bá kategoria Saláriu bá pagamentu depois Bens servesu nian mak involve projeteu tenderizasaun hamutuk 50% depois kapital minor iha 3.9 ninia prosesu la’o hotu ona kuaze 96%, kapitál dezenvolvimentu iha osan oituan hamutuk rihun $ 700,764,989 hodi selu projetu apropriadu ne’ebé halo tiha ona iha 2024-2025 ne’ebé pagamentu kuaze 88% ona, ho nune’e ezekusaun atual ho komitmentu atinji ona 60%. Ne’ebé ami hanoin katak orsamentu ida ne’e ami sei azekuta hotu”.

Iha audensia ne’ebé MAPPF halo ho komisaun D Parlamentu Nasional ne’e hetan partisipasaun husi Sekretáriu Estadu Pekuária, Sekretáriu Estadu Florestas, Diretór Jerál, Diretór Nasionál no mós Assesór sira.