Dili, loron 22, fulan Maiu, tinan 2026 – SEFOPE-DNEE hala'o seremónia despedida ba traballador Timoroan nain 43 ne'ebé sei servisu iha Australia, iha kompania 5 mak hanesan : HILLWOOD BERRIES, MADEC, MASHROOMS, MASHMONT, NO SUNNRAY.

Iha seremónia ne'e, partisipa husi Xefe Departamentu Deslokasaun, Sr. Alarico Fernandes, ne’ebe representa Diretor Diresaun Nasional Empregu Estranjeiru.

Iha sesaun diskursu , Sr. Alarico Fernandes hato’o mensajen importante ba traballador sira no sira nia família: “Sira tenke servisu ho dedikasaun, étika no profesionalismu, hodi tane naran diak Timor-Leste nian iha nasaun Austrália.” “Imi ba servisu laos hanesan reprezentante indivíduál, maibé reprezentante Estadu Timor-Leste. Tamba ne'e, servisu ho haraik an, hatudu profesionalismu, hodi promove naran diak nasaun nian”.

Sr. Alarico mós akresenta : “Imi sai hanesan aliserese importante ida iha ita-nia rai. Aproveita oportunidade ida ne'e ho diak utiliza rekursu hotu ne’ebé imi sei hetan iha Australia , kria planu investimentu ne'ebé bele benefisia imi-nia an, imi-nia família, no nasaun, tamba investimetu sira ne’e sei ajuda ita boot sira atu garantia nafatin ita boot sira nia estabilidade ekonomia bainhira imi labele fila fali ba Australia” Ikus liu husu ba ita boot sira atu kumpri deklarasaun sira ne’ebe imi le ona inklui labele halai ses husi sistema Sr. Alarico Fernandes.

“ Obrigado barak ba Governu Timor-Leste no Australia tamba bele loke oportunidade ida ne’e mai ami Oportunidade ne’e hanesan osan mean ida. Timor oan barak mak hakarak tebes atu hetan oportunidade ida ne’e, tamba ne’e ba ita nain hira ne’ebé mak hetan ona konfinsa husi empregador favor utiliza ho didiak liu-liu kumpri deklarasaun ne’ebe ohin ita le hamutuk ona , no bain hira ita servisu diak badinas bele ajuda Governu atu loke dalan ba ita nia maluk Joven sira iha futuru“