𝗗𝗶𝗹𝗶, 𝟮𝟬 𝗠𝗮𝗶𝘂 𝟮𝟬𝟮𝟲

Ministru Obras Públikas, Samuel Marçal, hamutuk ho membru governu sira seluk partisipa iha seremónia ofisiál isár Bandeira Nasionál hodi Komemora Aniversáriu bá dala 24 Restaurasaun Independénsia Repúblika Demokrátika Timor-Leste “20 Maiu 2002-20 Maiu 2026”. Seremónia isár Bandeira ne’e prezide husi Prezidente Repúblika, Dr.José Ramos-Horta, iha Praça Tasi-Tolu, Kuarta-feira ne’e.

Partisipa iha seremónia isár bandeira nasionál hodi komemora aniversáriu bá dala 24 Restaurasaun Independénsia Repúblika Demokrátika Timor-Leste “20 Maiu 2002-20 Maiu 2026” iha Tasi-Tolu mak Sekretáriu-Jerál ASEAN, Dr.Kao Kim Hourn, Delegasaun Austrália, Reprezenta husi Vise-Primeiru Ministru no Ministru Defeza Austrália nian, Richard Marles, Delegasaun Indonézia, reprezenta ofisiál husi nasaun viziñu, Delegasaun CPLP: Reprezentante husi Komunidade Nasaun sira ne'ebé Ko'alia Lian Portugés. Korpu Diplomátiku: Embaixadór sira hotu ne'ebé bazeia iha Dili, inklui Embaixadór Emiradus Árabes Unidus (EAU), Abdulla Salem Al Dhaheri.

Alta Autoridade Estadu Timor-Leste nian, Prezidente Repúblika, Dr.José Ramos-Horta, Primeiru-Ministru, Kay Rala Xanana Gusmão, Prezidente Parlamentu Nasionál, Maria Fernanda Lay ho Prezidente Tribunál Rekursu, Afonso Carmona, Membru Governu no konvidadu onra seluk, Komandu F-FDTL no PNTL, Lideransa Másima Forsa Armadas ho Polísia Nasionál nian, Veteranos no Erói Nasionál, Kombatente sira husi funu Libertasaun Nasionál.

https://sdi.gov.tl/ministerio/presrealease/create

𝗠í𝗱𝗶𝗮-𝗠𝗢𝗣