Asuntu : 𝐀𝐓𝐔 𝐇𝐀𝐒𝐀𝐈 𝐊𝐀𝐏𝐀𝐒𝐈𝐃𝐀𝐃𝐄 𝐑𝐄𝐊𝐔𝐑𝐒𝐔 𝐔𝐌𝐀𝐍𝐔 𝐓𝐈𝐂 𝐓𝐈𝐌𝐎𝐑 𝐅𝐎𝐑𝐍𝐄𝐒𝐄 𝐅𝐎𝐑𝐌𝐀𝐒𝐀𝐔𝐍 𝐊𝐎𝐍𝐀-𝐁Á 𝐒𝐈𝐒𝐓𝐄𝐌𝐀 𝐂𝐋𝐎𝐔𝐃, 𝐎𝐅Í𝐒𝐈𝐔, 𝐑𝐄𝐊𝐔𝐑𝐒𝐔 𝐔𝐌𝐀𝐍𝐔, 𝐁Á 𝐅𝐔𝐍𝐒𝐈𝐎𝐍Á𝐑𝐈𝐔 𝐒𝐈𝐑𝐀 𝐈𝐇𝐀 𝐌𝐈𝐍𝐈𝐒𝐓ÉR𝐈𝐔. Díli, 17 Setembru 2025 Tékniku Ajénsia TIC TIMOR I.P. kuarta ohin, fó formasaun feramentu Teknolójia Informasaun no Komunikasaun, bá funsionáriu sira husi Ministériu Transporte no Komunikasaun. Formasaun ne’e ho objetivu atu hasa’e koñesementu funsionáriu sira nian iha área teknolójia kona-bá sistema cloud, ofisiu, rekursu umanu, hodi fasilita servisu funsionáriu sira nia. Liuhosi formasaun ne’e funsionáriu sira bele iha koñesimentu no abildiade kona-bá feramentu Teknolójia Informasaun no Komunikasaun, espesialmente bá iha Sistema Cloud, Ofísiu no Rekursu Umanus, hodi transforma dadus manuál bá iha dijitál nune’e bele fasilita sira nia servisu ho efetividade. Formasaun ne’e nesesita tebes, hodi kapasita funsionáriu públiku sira inklui funsionáriu MTK rasik, tanba ligadu ho situasaun atúal ne’ebé Timor-Leste opta mundu teknolójia no Bazeia bá Governu Konstitusional da sia nia programa intregradu rua (2) iha área teknolójia hanesan, Teknolójia Informasaun no Komunikasaun nomos Governu eletróniku. Formasaun ne’e hala’o la’os de’it iha nasionál, maibé hala’o mós iha munisípiu sira. Utilizasaun bá sistema teknolójia ne’e MTK mak sai pioner no ezemplu bá ministériu seluk, tanba MTK mak kaer sistema Teknolójia hodi fasilita servisu liuhusi transformasaun manuál bá dijtál, aleinde ne’e Timor-Leste mós iha ambisaun adezaun bá ASEAN iha fulan outubru. Entretantu, formasaun ne’e hala’o iha salaun Ministériu Transporte no Komunikasaun (MTK) Kaikoli, durante loron rua no formandu hirak ne’ebé partisipa hamutuk na'in 50, husi nasionál inklui munisípiu sira. *𝐌é𝐝𝐢𝐚 𝐌𝐓𝐊*
Data Publica : 17 Sep 2025
Descrisaun :
