Sua Exelénsia Ministru Juventude, Desportu, Arte, no Kultura, Nelyo Isaac Sarmento, simu audiénsia husi grupu juventude “Futuru Líder ba ASEAN,Cohort-3 ALP 16 Youth and Sport” iha Salaun Magna MJDAK , Lecidere, Dili.

Durante enkontru ne’e, Governu fó apoiu tomak liuhosi fasilidade asesu dadus institusionál no sistema dijitál sira hodi tulun joven sira ne’ebé daudaun ne’e hala’o hela peskiza no observasaun kona-ba dezenvolvimentu juventude iha rai-laran.

Liuhusi nia orientasaun, Ministru enkoraja joven sira atu halibur dadus ne’ebé iha valór no fó impaktu pozitivu ba futuru:

Koordenasaun ho Estrutura Téknika sira: Governu orienta grupu ne’e hodi kolabora ho Diresaun Planeamentu MJDAK, ne’ebé iha dadus komprensivu kona-ba juventude sira ne’ebé hetan ona formasaun.

Peskiza iha Terrenu: Enkoraja joven sira atu ba mós Sentru Juventude sira no halo interasaun ho grupu juventude sira iha baze, hanesan ema ne'ebé hadomi natureza.

Inovasaun ho Sistema Online: Ministériu hatudu ninia modernizasaun liuhusi sistema dijitál internu ida-ne'ebé akumula relatóriu, partisipasaun, no númeru formasaun hotu-hotu hodi nune'e ema hotu bele akompaña ho transparénsia.

Mensajen Husi Autoridade:

"Ami mós iha sistema ida online ne'ebé kada diresaun sira iha hotu. Ne'e programa ne'ebé ami dezenvolve internu ministériu nian, ne'ebé programa, relatóriu hotu-hotu, partisipasaun, no númeru formasaun tama iha sistema, ita hotu bele haree— Sua Exelénsia Ministru Juventude, Desportu, Arte, no Kultura, Nelyo Isaac Sarmento.

Governu nafatin nakloke no fó apoiu ba inisiativa hotu-hotu ne’ebé kria oportunidade di’ak atu dezenvolve poténsia foin-sa’e Timor-Leste nian, liuliu sira ne’ebé prepara atu sai líder iha rejiaun ASEAN!

#MediaMjdak #GCIMjdak #GovernuTimorLeste #ASEANYouth #FuturuLider #JuventudeMjdak #ModernizasaunDijital

Ver menos