Díli, 26 Maiu 2026| 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, Akompañia husi Diretór Gerál no Diretór Nasionál sira Fahe Motorizada ho Marka Verza ha'at(4) no Leptop Lenovo rua(2) Atu Fasilita ba Corpu Guarda Floresta sira hala'o servisu iha kampu kontrola ba Bazeas Hidrografikas Mota-Masin iha Munisípiu Covalima no Bazeas Hidrografikas Talao-Loes iha Munisípiu Bobonaro.

Intervensaun 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬, informa parseiru dezenvolvimentu Conservation International (CI) nu'udar parseiru estratéjiku ida ne'ebé apoia maka'as servisu Ministériu Agrikultura, Pekuária, Peska no Floresta (MAPPF), Sekretáriu Estadu Floresta (SEF) nian, liu-liu iha área konservasaun no Jestaun Bazeas Hidrografikas.

"Pontus importante kona-ba distribuisaun Motorizada ho Marka Verza 4 ho Leptop Lenovo 2, ne'e ho objetivu atu fasilita Corpu Guarda Floresta sira-nia mobilidade iha terrenu hodi hala'o patrullamentu, kontrola floresta, no prevene atividade ilisitu (hanesan tesi ai-arbiru) iha área protejida no Bazeas Hidrografikas Mota-Masin iha Munisípiu Covalima no Bazeas Hidrografikas Talao-Loes iha Munisípiu Bobonaro" dehan S.E.SEF.

S.E.SEF, hateten ekipamentu sira ne'e to'o iha Corpu Guarda Floresta, sira tenke utiliza ho didiak sasan sira ne'e patrimóniu estadu nian nu'udar instrumentu ne'ebé ligadu diretamente ho objetivu atu utiliza ba servisu Corpu Guarda Floresta sira hodi kontrola área risku sira nune'e mak ita bele redús dezastre naturál hanesan inundasaun no rai-monu, ne'ebé dala barak akontese tanba floresta iha bazeas hidrografikas sira hetan estragu.

Ho esperansa katak ekipamentu sira-ne'e bele apoiu efetivamente servisu Corpu Guarda Floresta sira-nian iha munisípiu sira, tanba durante ne'e difikuldade boot liu mak falta transporte atu to'o ba área sira ne'ebé dook no susar atu asesu. Ho motorizada sira-ne'e, guarda-floresta sira iha Munisípiu Bobonaro, no Munisípiu Covalima bele servisu ho efisiente liután hodi asegura rekursu naturáis no sustentabilidade Bazeas Hidrografikas iha rai-laran.