𝐃𝐢𝐥𝐢, 𝟐𝟐 𝐌𝐚𝐢𝐮 𝟐𝟎𝟐𝟔 || Membru Governu husi Ministériu Agrikultura, Pekuária, Peskas no Florestas (MAPPF) marka prezensa iha Parlamento Nasional hodi tuir Audensia Análize ba Proposta de Lei (PPL) No. 31/VI (3º) kona-ba Orsamentu Retifikativu ba tinan fiskál 2026.

Iha Audensia importante ne'e, Sua Eselénsia Ministru MAPPF, 𝐄𝐧𝐠. 𝐌𝐚𝐫𝐜𝐨𝐬 "𝐌𝐀𝐌𝐄𝐓𝐀" 𝐝𝐚 𝐂𝐫𝐮𝐳, 𝐌𝐀𝐠𝐒𝐭, akompanha direta husi, Sua Eselénsia Sekretáriu Estadu Pekuária (𝐒𝐄𝐏𝐄), 𝐒𝐫. 𝐉𝐨𝐬é 𝐕𝐢𝐞𝐢𝐫𝐚 𝐝𝐞 𝐀𝐫𝐚ú𝐣𝐨, 𝐋𝐢𝐜.𝐂𝐒𝐇, 𝐋𝐢𝐜.𝐃𝐢𝐫, 𝐌𝐃, 𝐌.𝐀𝐏 no Sua Eselénsia Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨” no Sua Eselénsia Sekretáriu Estadu Florestas 𝗘𝗻𝗴. 𝗙𝗲𝗿𝗻𝗮𝗻𝗱𝗶𝗻𝗼 𝗩𝗶𝗲𝗶𝗿𝗮 𝗱𝗮 𝗖𝗼𝘀𝘁𝗮.

Tuir, Sekretáriu Estadu Pekuária, (𝐒𝐄𝐏𝐄), 𝐉𝐨𝐬é 𝐕𝐢𝐞𝐢𝐫𝐚 𝐝𝐞 𝐀𝐫𝐚ú𝐣𝐨 relata liután katak, atu fó prioridade ba dezenvolvimentu pekuária iha rai-laran, agora dadaun SEPE prepara hela dezenho hodi estabelese pastajen ai-han animál ba hakiak-na'in sira ne'ebé uza sistema luhan.

Entertantu iha Audensia ne'e SEPE Apresenta mós iha plano atu organiza hela ekipa tékniku espesiál ne'ebé prontu atu tu'un ba terenu hodi fó asisténsia téknika direta ba hakiak-na'in sira nia animal. No Ekipa ne'e sei akompanha prosesu dezenvolvimentu, hodi garante katak animál sira hetan kuidadu, vasinasaun, no asisténsia ne'ebé adekuadu hodi hasae produsaun kualidade no hamenus risku moras.

Iha Audensia entre MAPPF ho parlamento nasional marka mós prezensa hodi fó apoiu tékniku ba membru governu sira mak hanesan diretor jerál pekuária, xefe gabinete, no diretor nasionál pekuária, hamutuk ho membru governu relevante sira seluk.