Asuntu : Governu Timor-Leste hamutuk ho DFAT hala’o tan seremónia despedida ba trabálhadóres Timoroan nain 101 (feto 42, mane 59) ne’ebe emprega ona husi kompañia MADEC Costa no Hillwood Beries liu husi programa PALM. Seremónia ida ne’e hetan partisipasaun direita husi Diretór Nasionál Empregu Estranjeiru, Representante DFAT husi Camabera, Primeira Sekretária Embaixada Austrália, no delegasaun inklui familia sira husi trabálhadór sira . Iha nia diskursu, Diretór DNEE hateten katak, “Seremónia asina deklarasaun hanesan tradisaun ida ne’ebé ita sempre realiza ho orgullu molok haruka trabálhadór sira ba servisu iha rai-li’ur. Ida ne’e refleta ita-nia kompromisu koletivu ba responsabilidade, disiplina, no unidade nu’udar reprezentante Timor-Leste nian iha programa Mobilidade Traballu Pasífiku Austrália nian.” Iha sorin seluk, Representante husi DFAT hato’o agradese ba partisipante sira hotu. Nia enfatiza katak oportunidade ne’e signifikativu tebes ba trabálhadór sira atu servisu iha Austrália. “Ita boot sira nia dedikasaun sei lori prosperidade ba emprazáriu sira no ajuda dezenvolve ekonomia nasaun rua nian. Tamba ne’e, hau kontinua hakarak enkoraja ita boot sira atu uza didiak oportunidade signifikante ida ne’e, no kria planu ne’ebé diak ba imi-nia futuru,” dehan nia. Reprezentante ne’e mos salienta katak la kleur tan trabaladores sira sei hahu viajen ba Austrália. “Hau fiar katak Pre-Departure Briefing ne’ebé ita boot sira simu ona, bele ajuda ita boot sira atu komprende kondisaun jeral iha Austrália. Ikus liu, hau husu ita boot sira atu uza mós momentu ida ne’e atu fahe ita boot sira-nia kultura iha Austrália.” Parabens ba trabaladores ida-idak no sira nia familia !!!
Data Publica : 17 Sep 2025
Descrisaun :
