Dili, 26 Maiu 2026 – Ministru Agrikultura, Pekuária, Pekuária, Peskas no Florestas (MAPPF), Eng. Marcos ”MAMETA” da Cruz MAgSt partisipa reuniaun konsellu koordenasaun territorial hamutuk ho Prezidente Autoridade Munisípiu (PAM) no Diretór mai husi teritoriu Nasionál hotu atu nune’e bele servisu hamutuk hodi hare funsionariu sira ne’ebé destaka iha kada postu no suku liu-liu servisu extensionista sira nian iha terrenu.

Ministru Marcos da Cruz hato’o ninia apresiasaun bá Ministru Administrasaun Estatál (MAE) Tomas do Rosario Cabral ne’ebé bele konvida nia mai hodi partisipa iha reuniaun konsellu koordenasaun territorial ne’e hodi bele ko’alia bá malu atu oin-nusa maka bele servi povu ho ho di’ak liu. Tanba Ministériu Agrikultura, Pekuária, Peskasa no Florestas ne’e instituisaun tékniku ida atu apoiu oin-nusa mak povu ne’e atu bele hetan moris di’ak.

Ministru Marcos hateten bá PAM no Diretór sira katak kona-bá vizaun Nonu Governu nian iha setór Agrikultura maka oin-nusa bele fornese ai-han ho kuantidade, kualidade no sustentavel ne’ebé orienta bá merkadu.

“Vizaun ida ne’e maka ita buka atu atinje, maibé ita haree katak realidade ita seidauk bele fornese ai-han ne’ebé sufisiente bé ita nia povu, tanba ita nia produsaun iha rai laran sei ki’ik, iha parte tolu agrikultura, Pekuária no Peskas. Ita presiza atu haree mós oinsá maka bele dezenvolve ita nia ambiente iha area Florestas”. Dehan Ministru Marcos bá PAM no Diretór sira iha ótel JL Word, Postu Administrativu Cristo Rei, Munisípiu Dili, tersa ne’e.

Hanesan ema ne’ebé responsavel iha area ne’e hakarak fó apresu bo’ot bá Ministru Administrasaun Estatal ho ninia estrutura sira ne’ebé iha suku, tanba iha tinan rua resin ne’e bele servisu hamutuk hodi halo identifikasaun no buka solusaun bá problema sira ne’ebé akontese iha terrenu. Ne’e hatudu komitmentu ida ne’ebé di’ak. Maibé bazeia bá orientasaun Primeiru Ministru nian hateten katak, maske bele halo ona buat barak maibé presiza servisu hamutuk ho efetivu iha terenu hodi bele halo kontrolu bá ajente ka funsionáriu ne’ebé servisu iha kampo ka ajuda tékiniku bá servisu sira iha terrenu.

“Ita iha funsionáriu barak iha territoriu Timor laran tomak kuaze rihun 14 hanesan ne’e, ita bele dehan iha nivel postu no suku ita iha funsionáriu sira, maibé bainhira ita la’o bá mai, ita haree katak iha funsionáriu barak maka seidauk hetan kontrolu ho di’ak. Ezemplu ida maka extensionista sira ida-idak halo de’it ninia servisu partikulár haluha tiha sira ninia kna’ar nu’udar funsionáriu estadu. Agora oin-nusa mak ita bele kontrolu ema sira ne’e, poresiza ita hotu ninia servisu hamutuk”. Tenik Ministru

Ne’e duni husi apoiu ne’ebé parte MAPPF ho MAE presiza atu halo ne’e maka servisu ne’ebé bo’ot parte Ministériu Agrikultura maka toma responsablidade no servisu sira ne’ebé iha terrenu responsablidade hosi estrutura MAE nian mak tenke tau matan hanesan jestaun bá traktor no ekipamentu sira seluk atu nune’e bele benefisia povu agrikultór sira hodi prodúz ai-han barak liu-tan rai laran.

Ministru kontinua ahto’o agardese bá Ministru Administrasaun Estatal no dezezu susesu bá reuniaun ne’e atu bele iha planemanetu ida di’ak liu iha future hodi bele fó resposta bá povu nia problema sira.