Dili, 25 Maiu 2025 — Sekretáriu Estadu ba Formasaun Profisionál no Empregu (SEFOPE), Sua Exelênsia Rogério Araújo Mendonça L.Ed, hala’o sorumutu ho Embaixadora Timor-Leste iha Nova Zelandia, Sra. Idelta Maria Rodrigues, hodi ko’alia kona-ba progresu envolvimentu Timor-Leste iha Programa RSE.

Programa ne’e hatudu rezultadu positivo makas, ho numeru traballadór Timoroan iha Nova Zelandia komesa aumenta.

Iha sorumutu ne’e, Sekretáriu Estadu SEFOPE apresia ba Embaixadora Sra.Idelta Maria Rodrigues tanba nia esforsu husi prosesu hahu to’o ohin loron, ne’ebé rezultadu makas iha numeru traballador Timoroan ne'ebé aumenta.

Embaixadora mós fó apresia profunda ba SEFOPE, katak traballadór Timoroan nain 10 ne’ebé servisu iha Nova Zelandia mak skill worker tebes no hatudu prestasaun diak.

“Governu Nova Zelandia vizita traballadór sira iha terenu no hatete katak traballadór Timoroan hamorin tebes Timor nia naran,” tenik Embaixadora.

Embaixadora mos subliña katak iha tinan ida mai, posibilidade traballadór Timoroan sei aumenta, tanba pilotu primeiru hatudu rezultadu positivo makas.

Sorumutu ne’e fó sinal di’ak kona-ba relasaun Timor-Leste ho Nova Zelandia, no loke oportunidade empregu foun ba sidadaun Timoroan iha estranjeiru.