Dili loron 26,fulan-Maiu, tinan 2026, Sekretáriu Estadu ba Formasaun Profisionál no Empregu Sua Exelénsia Rogério Araújo Mendonça L.Ed, hasoru Prezidente Republika Sua Exelênsia José Ramos Horta, hodi relata sevisu SEFOPE nia liu-liu Mobilidade Laborál Timor-Leste nian ba iha rai liur.

Hafoin remata sorumutuk Sekretáriu Estadu hateten ba Jornalista sira katak, parte husi SEFOPE hasoru Prezidente Republika, hodi koalia konaba servisu sira liu-liu Envolvimentu traballadór Timoroan sira nian ba iha programa mobilidade laboral rai liur.

"Atu hateten deit ba publiku katak, SEFOPE hasoru prezidente Republika hodi hato'o informsaun servisu konaba SEFOPE nian liu-liu ba iha Mobilidade laborál iha rai liur," hateten Sekretáriu Estadu ba Jornalista sira iha Palasiu Prezidente Aitarak laran.

Aliende ne'e Sekretáriu Estadu fundamenta katak, iha diskusaun aliende koalia konaba traballadór sira nia servisu, Presidente mós husu SEFOPE, atu nafatin servisu ho Governu sira ne'ebé mak selebra MoU, atu nune'e sira bele tau matan ba traballadór Timoroan sira.

"Asuntu ne'ebé koalia mak konaba traballadór Timoroan ne'ebé mak servisu iha Nasaun Austrália, Korea, Japaun no Nova Zelândia.oinsa mak governu liuhosi SEFOPE servisu hamutuk ho governu ne'ebé mak estabelese MoU hodi bele mellora servisu no tau matan ba traballadór Timoroan sira ne'ebé mak servisu iha rai liur." Hateten Sekretáriu Estadu.