Dili loron 27,fulan-Maiu, tinan-2026, Sekretáriu Estadu ba Formasaun Profisionál no Empregu Sua Exelénsia Rogério Araújo Mendonça L.Ed, partisipa iha sorumutu extraordinaria ne'ebé lidera husi Primeiru-Ministru Sua Exelênsia Kay Rala Xanana Gusmão, iha Ministeriu Finansas Aitarak laran.

Sorumutu ne'e nia objetivu hodi halo analiza ba ezekusaun orsamentál Ministeriu no organizasaun autónomu sira iha orsamentu jerál Estadu tinan 2026, ne'ebé mak aprova husi Lei nº 8/2025, loron 27, fulan-Novembru.

Sorumutu ne'e hetan partisipasaun husi membru Governu hotu-hotu, nune'e mós responsavel sira husi institutu no organizmu sira ne'ebé integradu iha administrasaun indireta Estadu nian.