BAUCAU, 21 Maiu 2026 - 𝐄𝐤𝐢𝐩𝐚 𝐤𝐨𝐧𝐣𝐮𝐧𝐭𝐚 - 𝐥𝐢𝐝𝐞𝐫𝐚 𝐡𝐨𝐬𝐢 𝐒𝐞𝐤𝐫𝐞𝐭á𝐫𝐢𝐮 𝐄𝐬𝐭𝐚𝐝𝐮 𝐀𝐬𝐮𝐧𝐭𝐮 𝐓𝐨𝐩𝐨𝐧í𝐦𝐢𝐚 𝐧𝐨 𝐎𝐫𝐠𝐚𝐧𝐢𝐳𝐚𝐬𝐚𝐮𝐧 𝐔𝐫𝐛𝐚𝐧𝐚 (𝐒𝐄𝐀𝐓𝐎𝐔), 𝐆𝐞𝐫𝐦𝐚𝐧𝐨 𝐒𝐚𝐧𝐭𝐚 𝐁𝐫𝐢𝐭𝐞𝐬 𝐃𝐢𝐚𝐬 hamutuk ho 𝐄𝐤𝐢𝐩𝐚 𝐓𝐞𝐤𝐧𝐢𝐤𝐮 𝐌𝐢𝐧𝐢𝐬𝐭𝐞𝐫𝐢𝐮 𝐎𝐛𝐫𝐚𝐬 𝐏ú𝐛𝐥𝐢𝐜𝐚𝐬 (𝐌𝐎𝐏), no 𝐏𝐫𝐞𝐳𝐢𝐝𝐞𝐧𝐭𝐞 𝐀𝐮𝐭𝐨𝐫𝐢𝐝𝐚𝐝𝐞 𝐌𝐮𝐧𝐢𝐬𝐢𝐩á𝐥 𝐁𝐚𝐮𝐜𝐚𝐮, 𝐕𝐞𝐧𝐞𝐫𝐚𝐧𝐝𝐚 𝐄. 𝐌. 𝐋𝐞𝐦𝐨𝐬 𝐌𝐚𝐫𝐭𝐢𝐧𝐬, hala’o diálogu ho komunidade afetadu lima nulu resin-ne’en (56), kona-ba alargamentu estrada iha suku Bahu no Tirilolo, postu administrativu Baucau Villa, Munisípiu Baucau.

Objetivu husi diálogu ne'e mak atu fahe informasaun detaillu kona-ba prosesu ne’ebé ekipa tekniku Ministeriu Obras Públicas sira halo iha terrenu, hahú hosi prosesu identifika hodi tau markasaun, verifikasaun no rekolla dadus kona-ba rai, uma, no plantasaun sira, nune'e bele garante kolaborasaun ne'ebé di'ak no transparénsia entre Governu ho sidadaun sira.

Sekretariu Estadu Asuntu Toponímia no Organizasaun Urbana (SEATOU), hateten, lansamentu estrada urbana realiza ona iha fulan hirak liu ba, ohin ita hamutuk iha fatin ne’e koalia kona-ba alargamentu estrada, kompañia nia servisu la’o ona maske hasoru hela difikuldade balun tanba mosu preokupasaun hosi komunidade afetadu sira ne’ebé afeta direta ba projetu reabilitasaun estrada urbana ne’e.

Markasaun iha ita-boot nia uma ne’ebé ekipa tau ona sinál, maibe seidauk sobu la’os katak ita-boot sira lakohi sobu, ne’e hotu falta ami nia obrigasaun atu fahe informasaun ba ita-boot sira hodi komprende ho didia’k, nune’e ita-boot sira bele koopera ho estadu. “tenik SEATOU”.

SEATOU afirma, Governu liuhosi Ministeriu Obras Públicas kompromete sei kumpri ninia obrigasaun hodi haree indemnizasaun ba direitu afetadu sira-nian ne'ebé lakon kintál ka uma sei la'o ho justu, nune’e afetadu sira bele hadi'a fali sira-nia moris.

PAM Baucau, Veneranda Lemos Martins, hatutan tan katak: ita-boot sira nia kontribuisaun ne’e boot tebes ba dezenvolvimentu sustentável iha infreastrutura, hau iha esperansa liuhusi dialogu ida ne'e bele motiva ita-hotu atu bele kontribúi ba ita nia estrada nune'e bele sai hanesan legada ida ba aban bainrua no ba ita-nian oan no bei-oan sira, kontribuisaun ne'ebé ita halo ohin, sei marka istória ba ita nia rai ida ne'e.

"𝐏𝐫𝐨𝐣𝐞𝐭𝐮 𝐫𝐞𝐚𝐛𝐢𝐥𝐢𝐭𝐚𝐬𝐚𝐮𝐧 𝐄𝐬𝐭𝐫𝐚𝐝𝐚 𝐔𝐫𝐛𝐚𝐧𝐚 𝐡𝐮𝐬𝐢 𝐍𝐚𝐠𝐚𝐫𝐳𝐮 𝐛𝐚 𝐫𝐨𝐭𝐮𝐧𝐝𝐚 𝐕𝐢𝐥𝐚-𝐧𝐨𝐯𝐚 𝐧𝐨 𝐖𝐚𝐢𝐧𝐢𝐤𝐢 𝐭𝐨'𝐨 𝐕𝐢𝐥𝐚-𝐀𝐧𝐭𝐢𝐠𝐚 𝐁𝐚𝐮𝐜𝐚𝐮 𝐡𝐨 𝐦𝐞𝐝𝐢𝐝𝐚 𝐥𝐮𝐚𝐧 𝐦𝐞𝐭𝐫𝐮 22 𝐧𝐞'𝐞𝐛é 𝐬𝐞𝐢 𝐤𝐨𝐛𝐫𝐞 𝐩𝐢𝐬𝐭𝐚 𝐫𝐮𝐚 𝐢𝐧𝐤𝐥𝐮𝐢 𝐡𝐨 𝐭𝐫𝐨𝐭𝐨𝐚𝐫, 𝐯𝐚𝐥𝐞𝐭𝐚, 𝐧𝐨 𝐤𝐚𝐧𝐚𝐥𝐢𝐳𝐚𝐬𝐚𝐮𝐧 𝐛𝐞𝐞 𝐦𝐨𝐨𝐬".

Sorumutuk ne’e marka prezensa mós husi Diretora-Jeral Toponímia no Organizasaun Urbana (DGTOU), Maria Odete Barros Florindo no Direnjete sira, Ekipa Tekniku Ministeriu Obras Públicas, Estrutura Autoridade Munisipal Baucau, Diretor Kompañia Implementador sira, Komandante PNTL Baucau, Komandante F-FDTL, Veteranus, Autoridade Lokal no Komunidade Afetadu sira

Tampilkan lebih sedikit