BAUCAU, 15 Maiu 2026: 𝐒𝐞𝐤𝐫𝐞𝐭á𝐫𝐢𝐮 𝐄𝐬𝐭𝐚𝐝𝐮 𝐀𝐬𝐮𝐧𝐭𝐮 𝐓𝐨𝐩𝐨𝐧í𝐦𝐢𝐚 𝐧𝐨 𝐎𝐫𝐠𝐚𝐧𝐢𝐳𝐚𝐬𝐚𝐮𝐧 𝐔𝐫𝐛𝐚𝐧𝐚 (𝐒𝐄𝐀𝐓𝐎𝐔), 𝐆𝐞𝐫𝐦𝐚𝐧𝐨 𝐒𝐚𝐧𝐭𝐚 𝐁𝐫𝐢𝐭𝐞𝐬 𝐃𝐢𝐚𝐬, hamutuk ho Direjente sira, halo sorumutuk ho lideransa komunitaria, emprezáriu no vendedor sira hodi disemina kuadru legál kona-ba Ijiene, orden públika, regime juridiku toponímia no numerasaun pulisia ho mós mesajen publisitariu, enkontru ne’e realiza iha Salaun Administrasaun Munisipiu Baucau.

Objetivu hosi diseminasaun ne’e atu introdús kuadru legal no halo koordenasaun servisu ho Autoridade Munisipiu Baucau hodi hadi'a prestasaun servisu públiku iha área hanesan: ordenamentu teritóriál (Toponimia); ijiene no ordem públika; organizasaun urbana; no lisensiamentu mesajen publisitariu.

SEATOU hateten, durante loron ida ne’e, ekipa tekniku sira liu-liu Diretora-Jeral Toponímia no Organizasaun Urbana (DGTOU), Diretores Nasionais sira halo aprezentasaun kona-ba Dekretu-lei sira ne’ebé nakait ba servisu seatou nian.

Dekretu-lei sira ne’e mak hanesan:

1. Dekretu-lei nú: 3/2024 ne’ebé alterasaun ba dahuluk husi Dekretu-lei nú. 33/2008, kona-ba Ijinie no Orden Públika

2. Dekretu-lei nú: 29/2016 kona-ba Regime Juridiku Toponímia no Numerasaun Pulisia

3. Dekretu-lei nú: 31/2017 Alterasaun ba dahuluk hosi Dekretu-lei 51/2016 kona-ba Mesajen no Publisitariu

Iha sorumutuk, Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias, hato’o orientasaun politika ba diresaun servisu munisípal gestão merkadu, atu kontrola balada (Animal) sira ne’ebé husik livre iha sidade laran no registu lisensiamentu ba mensajen publisitária sira iha espasu públiku laran hodi regula nune’e bele kontribui ba rendimentu munisípál Baucau nian.

Nune’e, Prezidente Autoridade Munisipál Baucau, Veneranda E. M. Lemos Martins, hateten, diseminasaun ida ne'e la'os atu hanorin malu maibé sosializa regra sira ne'e atu bele mantein ita nia sidade ijiene.

“Husu ekipa gestão merkadu tenke notifika vendedor sira ne'ebe mak seidauk iha konsiensia hala'o negosiu hodi okupa espasu públiku no ba komunidade hotu-hotu atu soe lixu iha nia fatin liliu ba loja sira”. tenik PAM Baucau.

Enkontru ne’e, marka prezensa hosi, Prezidente Autoridade Munisipál Baucau, Veneranda E. M. Lemos Martins, Diretora-Jeral Toponímia no Organizasaun Urbana (DG-TOU), Maria Odete Barros Florindo, Diretor Nasional Ijiene no Orden Públika (DNHOP), Diretor Nasional Toponímia (DNT), Administrador Postu Administrativu sira, Xefe Suku, Emprezariu lokal no Vendedor sira.

Tampilkan lebih sedikit