DÍLI, 12 Maiu 2026 - 𝐒𝐞𝐤𝐫𝐞𝐭á𝐫𝐢𝐮 𝐄𝐬𝐭𝐚𝐝𝐮 𝐀𝐬𝐮𝐧𝐭𝐮 𝐓𝐨𝐩𝐨𝐧í𝐦𝐢𝐚 𝐧𝐨 𝐎𝐫𝐠𝐚𝐧𝐢𝐳𝐚𝐬𝐚𝐮𝐧 𝐔𝐫𝐛𝐚𝐧𝐚 (𝐒𝐄𝐀𝐓𝐎𝐔), 𝐆𝐞𝐫𝐦𝐚𝐧𝐨 𝐒𝐚𝐧𝐭𝐚 𝐁𝐫𝐢𝐭𝐞𝐬 𝐃𝐢𝐚𝐬, lidera ekipa konjunta hala’o diálogu ho komunidade afetadu sira kona-ba projetu alargamentu estrada iha aldeia Centro, Suku Bemori, Postu administrativu Nain-Feto, Munisípiu Díli.

Diálogu ne'e ho objetivu atu fahe informasaun kona-ba alargamentu estrada, atu nune’e komunidade afetadu sira iha intendementu ho diak hodi kolabora ba atividade tomak hahú hosi levantamentu dadus to’o projetu reabilitasaun estrada remata.

Iha diálogu, SEATOU informa kona-ba pontu importante planu IX Governu nian hodi moderniza infraestrutura tuir planu estratéjiku atu prepara infraestrutura estrada nian ne'ebé sustentável ba future iha kapital Nasaun.

SEATOU, husu ba maluk afetadu sira hotu atu koopera di'ak ho tékniku sira husi Ministériu Obras Públikas (MOP), no Terras e Propriadades, ne'ebé sei ba foti dadus iha terrenu. Ita-boot sira-nia apoiu importante tebes atu fasilita prosesu levantamentu dadus ne'e bele la'o ho diak.

Planu alargamentu estrada ne’ebé Governu sei implementa iha área ne’e ho medida luan metru 10, hamutuk ho trotoar, kabe fiu eletrisidade, no instalasaun kanu bee moos, ne’e mak prioridade Governu Timor-Leste nian, liuliu iha Dili, hodi mellora infraestrutura urbana.

Marka mos prezensa, hosi Ekipa Tekniku Ministeriu Obras Públicas, Diretor Municípal Servisu Terras no Propriedades, Xefe suku Bemori, Xefe Suku Lahane Oriental no komunidade afetadu sira.

Tampilkan lebih sedikit