Asuntu : 𝐄𝐍𝐊𝐎𝐍𝐓𝐑𝐔 𝐌𝐄𝐙𝐀 𝐑𝐄𝐃𝐎𝐍𝐃𝐀 𝐈𝐍𝐃Ú𝐒𝐓𝐑𝐈𝐀 𝐗𝐈𝐍𝐀-𝐀𝐒𝐄𝐀𝐍 𝙉𝙖𝙣𝙣𝙞𝙣𝙜, 𝙂𝙪𝙖𝙣𝙜𝙭𝙞, 17 𝙎𝙚𝙩𝙚𝙢𝙗𝙧𝙤 2025- Hafoin abertura ba Simeira Negósiu no Investimentu Xina-ASEAN ba dala-22, Ministru Komérsiu no Indústria Sr. Nino Pereira kontinua partisipa iha enkontru Meza Redonda Indústrial Xina-ASEAN. Meza redonda ne’e foka liu ba hametin kooperasaun industriál entre Xina no ASEAN, ho tema: “Strengthening Development Strategy Synergy for Win-Win Industrial Cooperation”. Partisipante xave sira destake prinsipál sira hanesan Sekretáriu-Jerál ASEAN Dr. Kao Kim Hourn subliña; ASEAN nia estatutu hanesan ekonomia bo’ot dalima iha mundu, ho PIB liu USD 3.9 trilhaun no populasaun millaun 670, Setór industriál nia papél iha dudu kreximentu, kontribui besik um-tersu hosi PIB ASEAN nian A. Diskusaun sira aborda, Mudansa sira iha kadeia fornesimentu globál no interupsaun teknolójiku, nesesidade ba dezenvolvimentu industriál ne'ebé inkluzivu, liuliu ba MPME sira, atualizasaun sira ba kuadru komérsiu xave sira, akordu Komérsiu Sasan ASEAN nian (ATIGA) — atu hadi'a seguransa ai-han, remanufaturasaun, no reziliénsia ba krize, area Komérsiu Livre ASEAN-Xina (ACFTA) 3.0 — habelar ba ekonomia dijitál, ekonomia verde, no konetividade kadeia fornesimentu. Ho Objetivu sira hodi Promove inovasaun, sustentabilidade, no integrasaun rejionál, asegura kooperasaun industriál fó benefísiu ba Estadu-membru hotu-hotu, inklui partisipante sira ne’ebé foun liu hanesan Timor-Leste. 📌 𝙈𝙚𝙙𝙞𝙖 𝙈𝘾𝙄
Data Publica : 18 Sep 2025
Descrisaun :