Dili, 26 Maiu 2026

Ministru Transportes no Komunikasaun, Eng.Miguel Marques Gonçalves Manetelu, hato’o nia apresiasaun bá iha ADB, JICA no Governu Australia nia apoiu iha espansaun no dezenvolvimentu aeroportu Internasionál Prezidente Nicolau Lobato.

Lia hirak ne’e hato’o husi Ministru Manetelu iha nia diskursu bainhira partisipa iha Enkontru Parseiru Dezenvolvimentu Timor-Leste (TLDPM) iha salaun auditorium Kay Rala Xanana Gusmão Ministériu Finansas, Aitarak-Laran Dili.

“Hakarak hahú ho apressiasaun bá ADB Timor-Leste JICA ho Australia tanba sira nia apoiu finansiamentu ka konstruksaun bá Aeroportu Internasionál Prezidente Nicolau Lobato hanesan ohin Austrália hateten katak persiza hametin liutan koordenasaun tanba parte balu hahú ona, hanesan parte air side ne’ebé finansia husi ADB hahú ona ho parallel taxiaway bá terminál pasajeiru, tribunál das kontas semana kotuk hasai ona vistu semana ida ne’e ha’u sei hasai notice to prosit bá kompañia Toa ne’ebé sei kaer obra konstruksaun terminál bá pasajeirus, parte DFAT nia iha ajustamentu balu ha’u espera katak esélensia Ministra Finansas iha tempu badak bele konklui ajustamentu sira ne’e para DFAT bele hahú prosesu tenderizasaun bá asesu aeroportu internasionál prezidente nicolau lobato” dehan Ministru Manetelu.

Ministru Manetelu afirma Iha tempu hanesan autoridade aviasaun sivíl. I.P. (AACTL.I.P.) no Administrasaun Aeroportu Navegasaun Timor-Leste, Empreza Publika (ANATL.EP) iha prosesu halo sertifikasaun bá aeroportu rua maka hanesan aeroportu suai no oekusi, hakarak informa mós prosesu konklui ona iha CNA atu halo estudu viabilidade bá aeroprotu rejionál lima iha Lautem Vikeke Same Bobonaro No Ataúru.

https://sdi.gov.tl/ministerio/presrealease/create

𝐌𝐞́𝐝𝐢𝐚 𝐌𝐓𝐊