Dili, loron 26 Fulan Maiu Tinan 2026

S.E.Ministru Planeamentu no Investimentu Estratéjíku (MPIE), Eng.Gastão Francisco de Sousa, Sai oradór iha semináriu nasionál ne’ebé organiza husi Prezidénsia Repúblika ho nia tema sentrál “Konsolidasaun entre Estadu no Akademista hodi Mantein Reziliente Dezenvolvimentu no Sustentabilidade ba Nasaun’’, iha Palásiu Prezidente Nicolau Lobato.

Durante aprezentasaun, MPIE destaka assuntu kona-bá dezenvolvimentu kapitál umanu, investimentu estratéjiku sira liga ho infrastrutura bázika no petróleo hodi ajuda diversifika ekonomia, moderniza no halo inovasaun bá instituisaun públiku nomos estratéziku atu garante produtividade iha setór hotu iha rai-laran.

Ministru Gastão kontinua ko’alia kona-bá polítika Fundo do Desenvolvimento Capital Humano (FDCH) ne’ebé tutela bá MPIE, desde 2024, hasa’e dadaun númeru bolseiru bá rai-liur no rai-laran ho totál bolseiru 300-resin atu prepara di’ak liutan rekursu umanu hodi hasoru dezafiu mundiál sira liu-liu Timor-Leste nian involvimentu iha organizasaun mundiál hanesan WTO no ASEAN. Rekorda katak dézde 2011-2025, FDCH mosu, fasilita ona Timor-oan estuda iha rai-liur (Bolseiru) no konsege gradua, hamutuk ema nain 7197 husi nível akadémiku hotu iha universidade sira iha nasaun 28.

Área graduadu nian bazeia bá merkadu traballu ne’ebé Timor-Leste presiza, hanesan jestaun governasaun, médiku, edukasaun no formasaun, enjiñaria petróleu, agrikultura inklui área seluk ne’ebé bele garante hodi reforsa instituisaun públiku sira.

Pilar importante bá diversifikasau ekonomia no kona-bá merkadu traballu no komérsiu iha nível mundiál nomos reziaun liu-liu integrasaun Timor-Leste iha ASEAN. Ministru Gastão konklui katak pilar dezenvolvimentu rekursu umanu importante nune’e polítika husi governu atuál liu husi FDCH, kontinua komprometidu atu loke bolseiru bá Timor-oan atu kapasita-an hodi hasoru nasaun nia dezafiu sira iha futuru. (REMATA)

https://sdi.gov.tl/ministerio/presrealease/create

Média MPIE