Dili Loron 27 Fulan Maiu Tinan 2026

Governu liu husi S.E.Primeiru Ministru (PM), Kay Rala Xanana Gusmão lidera reuniaun Konsellu Ministrus Estraordináriu kona-bá Ezekusaun Orsamentu Jerál Estadu tinan fiskál 2026, ne’ebé realiza iha salaun Auditorium Kay Rala Xanana Gusmão, Ministériu Finansas, Aitarak Laran, Díli.

Iha reuniaun Estraordináriu ne’e, atu análiza 𝗽𝗼𝗻𝘁𝘂 𝘀𝗶𝘁𝘂𝗮𝘀𝗮𝘂𝗻 𝗸𝗼𝗻𝗮-𝗯á 𝗲𝘇𝗲𝗸𝘂𝘀𝗮𝘂𝗻 𝗼𝗿𝘀𝗮𝗺𝗲𝗻𝘁á𝗹 𝗵u𝘀𝗶 𝗱𝗲𝗽𝗮𝗿𝘁𝗮𝗺𝗲𝗻𝘁𝘂 𝗴𝗼𝘃𝗲𝗿𝗻𝗮𝗺𝗲𝗻𝘁𝗮́𝗹 𝘀𝗶𝗿𝗮 𝗻𝗼 𝗼𝗿𝗴𝗮𝗻𝗶𝘇𝗺𝘂 𝗮𝘂𝘁ó𝗻𝗼𝗺𝘂 𝗶𝗱𝗮-𝗶𝗱𝗮𝗸 𝗶𝗵𝗮 á𝗺𝗯𝗶𝘁𝘂 𝗢𝗿𝘀𝗮𝗺𝗲𝗻𝘁𝘂 𝗝𝗲𝗿á𝗹 𝗘𝘀𝘁𝗮𝗱𝘂 𝗯á 𝘁𝗶𝗻𝗮𝗻 𝟮𝟬𝟮𝟲 (𝗢𝗝𝗘 𝟮𝟬𝟮𝟲), ne’ebé aprova husi Lei n. 8/2025, loron 27 fulan-novembru.

Ministru Planeamentu Investimentu S.E.Eng.Gastão Sousa partisipá hamutuk ho membru Governu hotu-hotu, nune’e mós responsável sira husi institutu no organizmu sira ne’ebé integradu iha administrasaun indireta Estadu nian.

Ezekusaun OJE 2026 atinje ona 30% husi loron 1 fulan-janeiru to’o loron 26 fulan-maiu tinan 2026. Husi orsamentu totál (inklui seguransa sosiál), ne'ebé estabelese iha dolar amerikanu biliaun 2,445, maizumenus dolar amerikanu millaun 736 mak ezekuta ona to'o agora.

Iha sorumutu ne’e, análiza ona dezafiu prinsipál sira relasiona ho ezekusaun orsamentál, liuliu kona-bá aplikasaun Kódigu Aprovizionamentu no Kontratus Públikus foun, nune’e mós nesesidade no medida sira ne’ebé ho objetivu atu reforsa kapasidade ezekusaun programa nomos projetu sira ne’ebé preve ona iha OJE 2026 nian. Aprezenta no analiza mós funsionamentu sistema informátiku aprovizionamentu nian.

https://sdi.gov.tl/ministerio/presrealease/create

Mídia MPIE