𝟐𝟔 𝐌𝐚𝐢𝐮 𝟐𝟎𝟐𝟔

==========

Vise-Primeiru-Ministru, Ministru Koordenadór Asuntu EKonómiku no Ministru Turizmu no Ambiente, Dato’ Seri Francisco Kalbuadi Lay, simu delegasaun husi Gabinete Nasoins Unidas nian ba Droga no Krime (UNODC-sigla inglés) iha enkontru ofisiál ida hodi diskute kona-bá dezafiu seguransa nasionál ne’ebé sai kompleksu iha rejiaun no mundu atuál, inklui implikasaun ekonómika hosi krime organizadu transnasionál, bosok sira no fraude sibernétiku.

Delegasaun UNODC ne’e reuniaun ne’e organizadu husi Ministériu Negósiu Estranjeiru no Kooperasaun no Ministériu Finansa lidera husi Sra. Delphine Schantz, Reprezentante Rejionál ba Sudeste Aziátiku no Pasífiku, akompañadu husi membru delegasaun sira ne’ebé kompostu husi Sra. Funmi Balogun, Koordenadora Rezidente Nasoins Unidas (UNRC), Sr. Jer Nakatomi, Ofisiál Dezenvolvimentu Programa, no Sr. Seong Jae Shin, Analista Rejionál ba Krime Organizadu Transnasionál.

Iha enkontru ne’ebé hala’o iha Gabinete Vise-PM, Farol, Díli, ne’e diskute kona-bá ameasa seguransa ne’ebé afeta estabilidade nasionál no dezenvolvimentu ekonómiku, liuliu atividade krime organizadu transnasionál ne’ebé uza teknolojia dijitál hodi halo fraude sibernétiku, tráfiku ilegál no movimentu finanseiru ilísitu.

Governu Timor-Leste kontinua reforsa seguransa nasionál, fortifika instituisaun Estadu nian no dezenvolvimentu kapasidade rekursu umanu atu responde ba dezafiu sira ne’ebé muda lailais iha era dijitál atuál.

Governu mós konsidera importante atu haforsa kooperasaun internasionál no rejionál hodi asegura resposta integradu no efetivu hasoru krime organizadu transnasionál sira.

See less