𝐃í𝐥𝐢, 𝟐𝟐 𝐌𝐚𝐢𝐮 𝟐𝟎𝟐𝟔-Ministériu Komérsiu no Indústria (MCI) hamutuk ho UNMCIS no parseiru estratéjiku sira, hala’o diskusaun ba dekretu lei fortifikasaun ai-han. Inisiativa ne’e konsidera hanesan páz reziliensia hodi kombate problema malnutrisaun iha Timor-Leste.

Dekretu lei ne’e fó enkuadramentu legal ba implementasaun fortifikasaun ai-han, ho foku ba kontéudu nutriente, rekizitu rotulajen, laiha kontaminante no dispozisaun seluk ba implementasaun forrifikasaun mandatoriu ba hahán baziku sira.

Ministru Komérsiu no Indústria, Sr. Nino Pereira, iha nia intervensaun apresia ba esforsu hotu ne’ebé halo tiha ona ho kooperasaun UNMICS no parte relevante sira, katak konsulta téknika ida ne’e mak fase da-huluk ba prosesu elaborasaun lei, ho partisipasaun UNMICS, WFP, sosiedade sivil, no setór privadu sira.

Ministru akresenta katak problema malnutrisaun iha Timor-Leste seidauk resolvidu no sei kontínua grave. Dadus husi UNMICS hatudu katak taxa prevalénsia malnutrisaun kroniku to’o 47%, ne’ebé resulta husi ai-han ne’ebé komunidade konsumu seidauk iha fortifikasaun nutrisaun ne’ebé nesesáriu. Lei fortifikasaun ai-han sei importante tebes atu proteje komunidade, liu-liu labarik sira.

Iha fatin hanesan Koordenador UNMICS mos reafirma apoiu polítiku no tékniku ba governu Timor-Leste, reforma legal ida ne’e sei ajuda estabelese mekanismu implementasaun efetivu hodi kombate problema malnutrisaun iha rai laran. Dadus survei foun sei publika iha tinan ne’e, hanesan kontinuidade husi dadus 2020 ne’ebé hatudu taxa prevalénsia malnutrisaun to’o 7%.

Hola parte iha diskusaun ne’e Diretor Jerál Komérsiu, UNMICS ho ekipa, WFP, NGO sira, Sosiedade sivil, setór privado inklui asesór sira husi CONSANTIL.

𝙈é𝙙𝙞𝙖 𝙈𝘾𝙄

See less