Dili, 22 Maiu 2026 - Ministériu Komérsiu no Indústria (MCI), liuhosi Diresaun Jerál Indústria, Sr. Jorge Ferreira, hala'o enkontru koordenasaun ho reprezentante husi Projetu YESS Programa Nasoins Unidas ba Dezenvolvimentu no Embaixada Republika Koreia nian hodi halo revizaun ba progresu projetu dezenvolvimentu sira-ne'ebé la'o hela.

Enkontru ne'e diskute kona-ba programa implementadu, dezafiu sira-ne'ebé eziste, no área sira-ne'ebé presiza hadi'a tan. Durante diskusaun, Diresaun Jeral Industria aprezenta atualizasaun kona-ba programa sira-ne'ebé implementa ho susesu, no mós esplika inisiativa balun ne'ebé presiza reforsu adisionál hodi asegura impaktu sustentavel.

Ministériu, subliña katak kolaborasaun ne'ebé estabelese ona ho UNDP, liu-liu liuhusi projetu YESS, hamosu ona rezultadu pozitivu no signifikativu hodi suporta dezenvolvimentu institusionál no komunidade.

Atu hasa'e liután efikásia programa ne'e nian, Ministériu husu apoiu adisionál hodi hasa'e orsamentu ba formasaun no kapasitasaun. Proposta apoiu ne'e sei foka liu ba área prinsipál rua: haforsa kapasidade téknika no monitorizasaun ba pesoál ministériu sira-ne'ebé envolve iha supervizaun projetu, no habelar oportunidade kapasitasaun ba grupu benefisiáriu sira-ne'ebé hetan benefísiu diretamente husi programa ministériu nian.

Aleinde ne'e, Ministeriu mós propoin alokasaun orsamentál adisionál maizumenus US$25,000mil hodi suporta kontinuasaun atividade sira ba faze KNI6 nian.

Em jerál, sorumutu ne'e sai hanesan oportunidade ida atu avalia realizasaun projetu nian, haforsa kooperasaun entre parseiru dezenvolvimentu sira, no identifika hadi'ak estratéjiku sira hodi asegura sustentabilidade ba programa sira iha futuru.

𝙈é𝙙𝙞𝙖 𝙈𝘾𝙄

See less