𝐃𝐢𝐥𝐢, 𝟐𝟓 𝐌𝐚𝐢𝐮 𝟐𝟎𝟐𝟔

Eselensia Vise Ministru Komersiu no Industria, Sr. Augusto Junior Trindade, atual Lider SEOM Timor-Leste, halo enkontru kordenasaun ho MCAE, MNEC, no ministériu sira seluk no ajénsia sira hotu kona-ba Roteiru Nasional ba Implementasaun Komunidade Ekonômiku ASEAN (AEC) 2026-2030, iha salaun Reuniaun MCI, sexta 22/05.

Reuniaun ne'e Vise Ministru hatete, enkontru ohin importante tebes tanba ita tama ona ba faze finalizasaun no implementasaun ba roteiru ida-ne'e. Diskusaun sira nee sei ajuda hametin kordenasaun, klarifika pasu sira tuir mai, no asegura katak Timor-Leste prontu atu implementa ho efetivu ninia kompromisu sira iha ASEAN Economic Community.

Roadmap no planu setoriál sira sei sai nu'udar instrumentu implementasaun prátiku atu orienta reforma legal, regulatóriu, institusionál no mekanizmu kordenasaun sira, no mos atu apoia prioridade dezenvolvimentu nasional Timor-Leste nian.

Diskusaun sira ne'e importante tebes hodi ajuda ita atu avansa ba finalizasaun Roteiru Nasional ba Implementasaun Komunidade Ekonômiku ASEAN (AEC) 2026 - 2030 neʼebé kompostu husi planu asaun estratéjiku setoriál no planu servisu sira.

Lider SEOM Timor-Leste ne'e mos diar katak koperasaun forte hosi ministériu no ajénsia implementadora sira sei kontinua atu Roadmap ida-ne'e bele avansa ba etapa tuir mai hanesan iha faze aprovasaun no implementasaun.

Ba oin, kordenasaun entre ajénsia sira, klaridade ba responsabilidade implementasaun, no kontinuidade envolvimentu hosi parte interesada sira sei sai xave importante ida hodi apoia implementasaun efetivu no pontual ba Timor-Leste nia kompromisu sira iha ASEAN Economic Community (AEC).

Lider SEOM ne'e hatoo agradese dala ida tan ba responsavel sira nia koperasaun no partisipasaun ativu, no hakarak deseja ba enkontru ida neʼebé produtivu no susesu.

#Media_MCI

See less