Dili, 25 Maiu 2026 – Diretór Jerál Komérsiu, Elias de Jesus Fátima, reprezenta Ministériu Komérsiu no Indústria (MCI), iha kolaborasaun ho parseiru dezenvolvimentu internasionál sira, inklui Konferénsia Nasoins Unidas nian kona-ba Komérsiu no Dezenvolviment (sigla inglesh; UNTACD/CNUCED), Sentru Komérsiu Internasionál (ITC), no Uniaun Europeia.

Durante loron rua, MCI lansa ofisialmente workshop ida ne’ebé fó kontribuisaun ba reforsu konxiénsia no komprensaun kona-ba implementasaun lei kompetisaun iha rejiaun ASEAN. Atividade ida ne’e fó oportunidade ba partisipante atu aprende no partilha esperiénsia kona-ba regulamentu kompetisaun, hanesan parte esensial husi integrasaun ekonomika rejionál.

Iha diskursu abertura, Diretór Jerál Komérsiu, Elias de Jesus Fátima, afirma katak workshop ne’e halo parte iha série inisiativa kapasitasaun ne’ebé la’o hela hodi dezeña no hasa’e koñesimentu institusionál no hasa’e prontidaun instituisaun públika ho setór privadu atu adapta ba integrasaun ekonómika rejionál. Atensaun particular ne’e fó ba apoiu Timor-Leste nia setór privadu relativamente ki’ik bainhira nasaun ne’e hakat ba involvimentu klean iha enkuadramentu ekonómiku ASEAN nia laran.

Workshop ne’e foka liu ba aplikasaun prátika no implementasaun lei konkorrénsia nian, ho diskusaun ne’ebé sentra iha enkuadramentu regulatóriu, prátika justu merkadu nian, no importánsia atu promove kompetisaun justu tuir padraun internasionál.

Elias mós hatutan katak, “Nu’udar ministériu primáriu ne’ebé responsavel ba asuntu ekonómiku, hala’o papél kolaborativu hodi organiza workshop no fasilita partisipasaun inter-ministeriál reprezentante sira hosi ajénsia governu oioin hetan konvite atu kontribui ba diskusaun sira no hametin koordenasaun hodi apoia implementasaun legál ne'ebé efetivu.

Esensiál husi workshop ne’e hasa'e konsiénsia funsionáriu sira, parte interesada iha ekonomia, setór privadu sira kona-ba importánsia polítika kompetisaun iha promosaun transparénsia, konfiansa investimentu, no kresimentu ekonómiku sustentavel.

𝙈é𝙙𝙞𝙖 𝙈𝘾𝙄

See less