Dili, 28 Maiu 2026– Ministériu Komérsiu no Indústria (MCI), ne’ebe ho kolaborasaun parseiru dezenvolvimentu sira, inklui Uniaun Europeia, UNTACD, no Sentru Komérsiu Internasionál (sigla ingles; ITC), hala’o Workshop kona-ba Direitu Konkorénsia ne’ebé ho objetivu atu hametin implementasaun Lei Konkorénsia iha Timor-Leste. Workshop ne’e hala’o iha salaun MCI Bebora Dili iha loron(𝟐𝟔/𝟎𝟓/𝟐𝟔).

Loron ikus hosi workshop ne’e halibur reprezentante sira hosi instituisaun governu nian no parte interesada sira hosi setór privadu hodi delibera liután kona-ba estratéjia sira no kooperasaun institusionál ne’ebé nesesáriu hodi garante ezekusaun no implementasaun efetivu hosi Lei Konkorénsia nian iha Timor-Leste.

Diskusaun sira durante workshop ne'e destaka signifikasaun estratéjiku no polítiku hosi Lei Konkorrénsia nian hodi promove ambiente merkadu ida ne'ebé justu, transparente, no kompetitivu ne'ebé fornese oportunidade hanesan ba negósiu sira ho medida hotu-hotu. Partisipante sira subliña katak enkuadramentu kompetisaun ne'ebé funsiona ho di'ak maka esensiál atu hasa'e transparénsia merkadu nian, hametin konfiansa investidór nian, no haburas kreximentu ekonómiku ne'ebé sustentável no inkluzivu.

Workshop ne’e subliña mós kompromisu kontinuasaun Timor-Leste nian hodi aliña ninia enkuadramentu governasaun ekonómika no komersiál ho padraun ASEAN no prátika di’ak liu ne’ebé rekoñesidu internasionalmente, nu’udar parte ida hosi ajenda integrasaun no dezenvolvimentu ekonómiku ne’ebé luan liu iha nasaun ne’e.

𝙈é𝙙𝙞𝙖 𝙈𝘾𝙄

See less