Dili,20/05/2026: Vise-Primeiru Ministru, Ministru Kordenador ba Assuntus Sosiais, Eng. Mariano ASSANAMI Sabino, akompaña Xefe Estadu, Xefe Governu no Membru IX Governu Konstitusional hatur ona fatuk dahuluk ba konstrusaun Sentru Konvensoens Internasional Timor-Leste, hodi prepara ba prezidensia Timor-Leste nian ba ASEAN iha 2029.

Sentru Konvensoens ne’e sei konstrui iha lokal Portu Dili, Projetu ne'e responsabiliza hosi Vise-Primeiru-Ministru no Ministru Koordenadór bá Asuntus Ekonómikus no Ministru Turizmu no Ambiente, Francisco Kalbuadi Lay ho membru Governu tuteladu sira.

Konstrusaun bá projetu ne’e ezekuta hosi Kompañia Internasional hosi Xina, Shaanxi Constrution Engineering Group Coporation Limited Premium Project ne’ebé sei la’o durante tinan-rua no sei finaliza iha 20 Maiu 2028.

Partisipa iha lansamentu konstrusaun ne’e reprenzentante Governu Indonézia ho Governu Austrália no mós membru IX Governu Konstitusionál, membru Parlamentu Nasionál no konvidadu importante sira seluk no funsionáriu públiku sira.

=====