Suai, 14 Maiu 2026; Vise-Minsitru ba Operasionalizasaun Ospitál (VMOH-sigla portugés), dr. Flávio Brandão Mendes de Araújo hala’o vizita traballu ba Hospitál Referál Suai hodi halo enkontru extraordináriu ho Diretór ho nia estrutura hotu Hospitál Referál Suai nian no mós pesoál saúde sira kona-ba harmonizasaun no funsionamentu servisu administrasaun no klínika hodi hasa’e kualidade servisu no profisionalízmu servisu saúde iha hospitál referál Suai.

iha biban ne’e, VMOH enkoraja no fó orientasaun ba prezidente konsellu ho nia estrutura no mós pesoál saúde sira hotu atu mantein no kontinua serví no servisu ho profisionál iha servisu fatin.

"Hospitál iha buat rua ida infraestrutura ida funsionamentu, infaestrutura buat ida ke halo mais funsionamentu loroloron ne'ebé importante liu, oinsá ema mai iha hospitál ita fó resposta satisfasaun ba ema sira-ne'ebé mai," dehan VMOH

Iha enkontru ne’e, Diretór HR Suai ho nia estrutura sira hato’o mós peokupasaun no dezafiu sira-ne’ebé iha hodi halo diskusaun hamutuk nune’e bele mellora liu taan iha oin mai.

Hafoin remata, VMOH ho komitiva tomak kontinua vizita ba Klínika São Paulo Suai.