12 Maiu 2026: Ministériu Saúde (MdS), liuhosi Ekipa Gabinete Inspesaun no Auditoria Saúde (GIAS-MS), kontinua realiza atividade Inspesaun no Fiskalizasaun ba Farmasia no Klinika Privadas sira, Iha Munisípiu Bobonaro.

Atividade ne’e hala’o durante loron haat hahu husi loron 12 Maiu to’o 15 Maiu 2026.

Iha atividade ne’e, ekipa halo verifikasaun ba aspetu importante sira, inklui:

Legalidade lisensa operasaun, Disponibilidade no jestaun aimoruk sira, Kondisaun Ijiene no sanitasaun iha fatin no prestasaun servisu.

Husi rezultadu inspesaun, ekipa deteta irregularidade balun ne’ebé presiza atu hetan atensaun imediata, inklui jestaun aimoruk no dokumentasaun ne’ebé la kompletu.

Durante prosesu inspesaun, ekipa mós halo apreensaun ba item Ai-moruk balun no mós taka provijoriu Farmasia ida Tamba la kumpri rekizitu legál no tékniku sira tuir regulamentu vigora.

GIAS-MdS mós nafatin apela ba proprietáriu Jestór Farmasia no Klinika Privadu sira atu kontinua kolabora ho MdS, hodi hametin Sistema Saúde ne’ebé efisiente no di’ak liu ba komunidade.

#MídiaPalácioDasCinzas