Asuntu : 𝗦𝗘𝗞𝗼𝗼𝗽 𝗔𝘀𝗶𝗻𝗮 𝗡𝗼𝘁𝗮 𝗘𝗻𝘁𝗲𝗻𝗱𝗶𝗺𝗲𝗻𝘁𝘂 𝗵𝗼 𝗘𝗺𝗽𝗿𝗲𝘇𝗮 𝗕𝗮𝗹𝗶 𝗛𝗼𝗻𝗲𝘆 𝗔𝘁𝘂 𝗙𝗮𝘀𝗶𝗹𝗶𝘁𝗮 𝗙𝗼𝗿𝗺𝗮𝘀𝗮𝘂𝗻 𝗯𝗮 𝗣𝗿𝗼𝗱𝘂𝘁ó𝗿 𝗕𝗮𝗻𝗶 𝗕𝗲𝗻. Díli, 16 Setembru 2025 – Sekretaria Estadu Kooperativas (SEKoop) asina Nota Entendimentu (MoU) ho Empreza Bali Honey husi Provínsia Bali, Indonézia, hodi fó formasaun no kapasita ba produtór bani ben iha Timor-Leste, espesiálmente iha munisípiu Liquiça, Ermera, Aileu, Manatuto no Manufahi. Nota Entendimentu ne’e tenke servisu hanesan plataforma atu fó apoiu tekniku ba produtór, husi prosesu hakiak, koileta to'o ba merkadizasaun (venda) bani ben. Iha seremónia asinan-an, Sekretáriu Estadu Kooperativas, Eng. Arsénio Pereira da Silva, M.Agr., , subliña importante parceria ne’e hodi sustenta dezenvolvimentu no fortalese kooperativa lokal sira. Empreza Bali Honey, ne’ebé iha esperiênsia barak iha setor meliponikultura iha Indonézia, prontu atu fó kontribuisaun iha forma formasaun teknika, peskiza, no troka esperiênsia ho Timor-Leste. Ekipa Bali Honey sei hala’o peskiza iha postu no suku alvo sira, no membru kooperativa Timor sei iha oportunidade atu hela no aprende diretamente husi Bali Honey iha Bali. Diretór Empreza Bali Honey, Ismail Marzuki, hateten: “Hau senti kontente tanba Governu Timor-Leste konvida ami atu fó kontribuisaun. Timor-Leste iha pontensia boot ba produsaun bani ben, no ami sei partilha esperiénsia atu ajuda produsente lokal bele produsaun ho kualidade no valor merkadu.” Subliña Diretor. Dokumentu MoU asina husi Diretór Geral SECoop, Eng. Olderico Lopes (SEKoop) no Ismail Marzuki (Bali Honey), ho durasaun kolaborasaun iha tinan rua (2). Seremónia asinan-an ne’e marka ho prezensa GIA, Inspektór Gaspar Policarpo Correia, Xefe Gabinete Eng. Leovogildo Belarmino, M.Sc. no reprezentante sira husi SEKoop. #Média SEKoop#
Data Publica : 18 Sep 2025
Descrisaun :
“Liu husi parceria ho Bali Honey, SEKoop bele fasilita ba produtór bani ben sira atu hatene prosesu produtivu ho estandár internasionál, hodi bele aumenta kualidade no kuantidade produsaun, no prepara ba merkadu nasional ka internasionál,” hateten SEKoop.