Dili, 02 Juñu 2026

Ministériu Transportes no Komunikasaun oferese Jantar Gala Ofisiál bá delegasaun husi Kamboja.

Iha biban ne’e Ministru Transportes no Komunikasaun, Eng.Miguel Marques Gonçalves Manetelu, hamutuk ho Vise-Primeiru-Ministru, Ministru Koordenadór Asuntu Ekónomiku, no Ministru Turizmu no Ambiente, Francisco Kalbuady Lay no membru governu balu halo diskusaun ho Ministru Postais no Telekomunikasaun, Dr.Chea Vandeth ho delegasaun kompostu husi Sekretariu Estadu Ministériu Postais no Komunikasaun, Haksokheng hamutuk ho Sekretáriu Jerál DGC, Chea Sereyvanth no Embaixadór Estraordináriu no Plenipotensáriu Reinu Kamboja nian bá Timor-Leste, CHUN Sovannarith.

Iha diskusaun ne’e troka hanoin kona-bá área sira ne’ebé bele promove benefísiu mútua bá Timor-Leste no Kamboja.

Enkontru ne’e realiza iha ambitu Jantar fraternidade hamutuk ho Ministru Postais no Telekomunikasaun, Dr.Chea Vandeth no delegasaun iha JL World Dili. Jantar fraternidade ne’e oferese husi Ministériu Transportes no Komunikasaun.

Enkuantu Ministru Chea Vandeth ho delegasaun nia prezensa iha Timor-Leste durante loron haat hodi partisipa iha lansamentu plataforma verify.gov.tl.

https://sdi.gov.tl/ministerio/presrealease/create

𝐌𝐞́𝐝𝐢𝐚 𝐌𝐓𝐊