Ataúro, 04 Juñu 2026

Prezidente Autoridade Munisípiu Ataúro, Mateus Belo, hato’o lia hirak ne’e bainhira hala’o enkontru ho Vise-Primeiru Ministru Interinu, Ministru Koordenadór Asuntu Ekonómia, no Ministru Turizmu no Ambiente atúal Ministru Transportes no Komunikasaun, Eng.Miguel Marques Gonçalves Manetelu iha sala enkontru administrasaun Ataúro iha kinta ne’e.

“Falta fulan ida ka rua tan ataúro hakotu ona izolamentu tanba governu kontinua loke Estrada foun iha ataúro ita hakarak ataúro labele iha ema ida hela iha kotuk, povu tenke goza dezenvolvimentu, tinan oin karik aprova orsamentu FEDA nia karik labele tahan, tahan tanba la kleur tan ita sei bá kro, ami sei lori ami nia proposta bá FEDA karik liu des miloens fó de’it tanba saida, investe bá ataúro investe bá timor-leste nia futuru, tanba turista barak mai ataúro. Turizmu ataúro bele fó reseita bá estadu bele subtitui reseita petrolifeiru no biodiversidade iha ataúro as liu iha mundu, as liu labuan bajo, as liu bali, indonézia sira fó prioridade liu bá iha setór naun petrolifeiru hanesan iha bali, aban bairua ataúro bele halo diak liu sira tanba ataúro riku tebes ho biodiversidade no turizmu” dehan PAM Ataúro.

Hafoin enkontru PAM Ataúro, Mateus Belo akompaña V-PM interinu, MKAE, MTA, kontinua halo observasaun bá iha Estrada sira iha suku makadade no makili.

Vise-Primeiru Ministru Interinu, Ministru Koordenadór Asuntu Ekonómia, no Ministru Turizmu no Ambiente atúal Ministru Transportes no Komunikasaun, Eng.Miguel Marques Gonçalves Manetelu hateten bainhira nia viajen ho Roo Nakroma husi Dili mai Ataúro, nia konversa ho kapitaun Roo Nakroma hateten Ataúro agora iha mudansa boot tanba Estrada komesa haleu Ataúro.

“Iha roo laran ha'u tur hamutuk ho kapitaun roo para atu haree ataúro nia mudansa ne’e to’o iha ne’ebé, husi esplikasaun kapitaun ne’e nia rasik hateten katak ataúro iha mudansa boot kapitaun ne’e bapa ida, konversa husi dili to’o roo embarka iha ataúro, nia dehan katak nia iha timor tinan sanulu resin, mais ataúro hatudu ona mudansa boot, iha roo laran nia hatudu mai ha'u Estrada sira iha ataúro, nia hateten katak alkatraun foin to’o husi sidade ataúru bá to’o bikeli no kompañia sira kontinua loke estrada foun iha Ataúro laran kuaze bok hela” Hateten V-PM Internu.

Iha observasaun ne'e V-PM interinu dada lia mós ho komunidade balu, iha dada lia ne'e komunidade sira agradese bá Primeiru-Ministru Kay Rala Xanana Gusmão bele loke ona estrada foun asegura dezenvolvimentu inkluzivu, fasilita movimentu comunidade no lori naroman ekonómiku bá povu iha Ataúro.

Governante ne'e firma povu persiza duni dezenvolvimentu, povu mak tenke goza dezenvolvimentu. Ataúro koñesidu nu'udar fatin ne'ebé riku ho turizmu ekolójiku biodiversidade tasi. Governu nia kompromisu mak hadi'a estrada sira ne'ebé lori turista no komunidade sira bá destinasaun turizmu, governu kompremetidu dezenvolvimentu Ataúro labele ketak husi dezenvolvimentu nasionál. Kompromisu prinsipál mak implementa pakote rehabilitasaun no loke Estrada foun bá ne'ebé liga suku sira, liuliu husi kapitál munisípiu nian no sira seluk hanesan Beloi, Bikeli nomos Makadade. Projeitu sira-ne'e inklui hadi'a kualidade Estrada.

https://sdi.gov.tl/ministerio/presrealease/create

𝐌𝐞́𝐝𝐢𝐚 𝐌𝐓𝐊