Asuntu : 𝐕𝐢𝐬𝐞-𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 𝐃𝐢𝐬𝐤𝐮𝐭𝐞 𝐀𝐝𝐞𝐳𝐚𝐮𝐧 𝐓𝐋 𝐛𝐚 𝐀𝐒𝐄𝐀𝐍 𝐡𝐨 𝐓𝐡𝐚𝐢𝐥𝐚𝐧𝐝𝐢𝐚 18-september-2025 Bangkok, Thailandia – Vise-Primeiru Ministru, Ministro Coordenador dos Assuntos Sociais no Ministro Dezenvolvimentu Rural no Habitasaun Komunitária Eng. Mariano ASSANAMI Sabino, halao vizita ofisiál ba Thailandia hodi diskute mos adezaun Timor-Leste ba ASEAN ho Sekretáriu ba Ministru Negósiu Estranjeiru Thailandia, Paisan Rupanichkij. Iha sorumutu ida ne’e, Vise-PM hato’o agradesimentu no orgullu ba Thailandia nia apoiu ba Timor-Leste iha prosesu adezaun ba membru Plena Organizasaun ASEAN. Vise-Primeiru Ministru hatete, objetivu vizita ne’e mak buka oportunidade atu hare liu tan progresu dezenvolvimentu modernu iha Thailandia, liu-liu iha área Rural no Ekonomia ne’ebé avansadu tebes, hodi aprende liu husi esperiénsia Thailandia nian hodi bele implementasaun iha Timor-Leste. Nia hato’o katak, área Ekonomia, Agrikultura, Turizmu, Industria Petrolífera no Gas, Timor-Leste presiza hare hamutuk ho esperiénsia Thailandia, hodi implementa setór sira ne’ebé prioritáriu, aumenta kapasidade lokal, no estimula kresimentu inklusivu ba populasaun nian. “Iha área Agrikultura, hanesan Pekuária, Akikultura, Peska, no mós iha Turizmu, no Industria Petróleu no Gás Naturál, hotu-hotu ne’e setór prioritáriu ba Timor-Leste hodi estimula kresimentu ekonómiku no hato’o benefisiu ba populasaun,” hatete Vise-PM ASSANAMI. Esperiénsia husi Thailandia sei fó inspirasaun hodi hadia politika nacional, inklui Área Ekonomi, Sosiais, Turizmu no Industria, ne’ebé sei fó benefisiu direta ba populasaun. Durante sorumutu ne’e, Sekretáriu ba Ministru Negósiu Estranjeiru Thailandia, Paisan Rupanichkij, hato’o klarifikasaun katak Thailandia sei kontinua fó apoiu ba Timor-Leste hodi nune’e bele garante prosesu adezaun ASEAN ida ne’ebé di’ak, inklusivu no efetivu. “Ami sei kontinua ajuda Timor-Leste hodi fortalese kapasidade institusional, inklui treinamentu diplomátiku, ko’operasaun iha área Ekonomia, Sosiais no Regional, no fó suporta hodi promove ko’operasaun kontinua ba oin,” nia dehan. Sorumutu ida ne’e mos envolve partisipasaun husi diplomátiku no governu Vise-Sekretáriu Atipat Rojanapaibulya, Embaixadór Thailandia iha Timor-Leste, Arunee Hiam, Vise-Diretora Jerál Ajénsia Kooperasaun Internasionál Thailandia (TICA), Xefe Gabinete MDRHC no Tekniku Espesializadu MDRHC. 18-september-2025 Bangkok, Thailandia – Vise-Primeiru Ministru, Ministro Coordenador dos Assuntos Sociais no Ministro Dezenvolvimentu Rural no Habitasaun Komunitária Eng. Mariano ASSANAMI Sabino, halao vizita ofisiál ba Thailandia hodi diskute mos adezaun Timor-Leste ba ASEAN ho Sekretáriu ba Ministru Negósiu Estranjeiru Thailandia, Paisan Rupanichkij. Iha sorumutu ida ne’e, Vise-PM hato’o agradesimentu no orgullu ba Thailandia nia apoiu ba Timor-Leste iha prosesu adezaun ba membru Plena Organizasaun ASEAN. Vise-Primeiru Ministru hatete, objetivu vizita ne’e mak buka oportunidade atu hare liu tan progresu dezenvolvimentu modernu iha Thailandia, liu-liu iha área Rural no Ekonomia ne’ebé avansadu tebes, hodi aprende liu husi esperiénsia Thailandia nian hodi bele implementasaun iha Timor-Leste. Nia hato’o katak, área Ekonomia, Agrikultura, Turizmu, Industria Petrolífera no Gas, Timor-Leste presiza hare hamutuk ho esperiénsia Thailandia, hodi implementa setór sira ne’ebé prioritáriu, aumenta kapasidade lokal, no estimula kresimentu inklusivu ba populasaun nian. “Iha área Agrikultura, hanesan Pekuária, Akikultura, Peska, no mós iha Turizmu, no Industria Petróleu no Gás Naturál, hotu-hotu ne’e setór prioritáriu ba Timor-Leste hodi estimula kresimentu ekonómiku no hato’o benefisiu ba populasaun,” hatete Vise-PM ASSANAMI. Esperiénsia husi Thailandia sei fó inspirasaun hodi hadia politika nacional, inklui Área Ekonomi, Sosiais, Turizmu no Industria, ne’ebé sei fó benefisiu direta ba populasaun. Durante sorumutu ne’e, Sekretáriu ba Ministru Negósiu Estranjeiru Thailandia, Paisan Rupanichkij, hato’o klarifikasaun katak Thailandia sei kontinua fó apoiu ba Timor-Leste hodi nune’e bele garante prosesu adezaun ASEAN ida ne’ebé di’ak, inklusivu no efetivu. “Ami sei kontinua ajuda Timor-Leste hodi fortalese kapasidade institusional, inklui treinamentu diplomátiku, ko’operasaun iha área Ekonomia, Sosiais no Regional, no fó suporta hodi promove ko’operasaun kontinua ba oin,” nia dehan. Sorumutu ida ne’e mos envolve partisipasaun husi diplomátiku no governu Vise-Sekretáriu Atipat Rojanapaibulya, Embaixadór Thailandia iha Timor-Leste, Arunee Hiam, Vise-Diretora Jerál Ajénsia Kooperasaun Internasionál Thailandia (TICA), Xefe Gabinete MDRHC no Tekniku Espesializadu MDRHC.
Data Publica : 18 Sep 2025
Descrisaun :
