𝟐 𝐉𝐮𝐧̃𝐮 𝟐𝟎𝟐𝟔

==========

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, simu vizita kortezia husi delegasaun Grupu Toroa, empreza inovadora ida iha área teknolojia finansas dijitál husi Nova Zelándia.

Enkontru ne'e ho objetivu atu haforsa relasaun entre Timor-Leste no parseiru internasionál sira iha setór inovasaun dijitál, inklui oportunidade sira ba dezenvolvimentu sistema finanseiru modernu no inkluzivu iha país.

Delegasaun ne'e lidera husi Sr. Dave Ananth no kompostu husi Sr. Ryan Johnson, CEO Grupo Toroa; no Sr. Aaron Wilson, Fundadór Akau Capital, Embaixadora Idelta Rodrigues.

Enkontru ne'e haree mós kona-bá oportunidade kooperasaun iha área oioin, inklui hasa'e esportasaun kafé no produtu agríkola orgániku (kinur, pimenta, no ai-lia), transformasaun dijitál no inovasaun finanseira, no dezenvolvimentu Ekonomia Azul liuhusi kréditu karbonu ba agrikultór budu-tasi nian.

See less