Dili, 02 Juñu 2026 – Ministru Komérsiu no Indústria, Nino Pereira, hamutuk ho membru Governu sira hasoru malu ho delegasaun husi Ministériu Postais no Telekomunikasaun Kamboja, Dr. Chea Vandeth no Sekretariu Estadu Ministériu Postais no Komunikasaun, Haksokheng hamutuk ho Sekretáriu Jerál DGC, Chea Sereyvanth no Embaixadór Estraordináriu no Plenipotensáriu Reinu Kamboja nian ba Timor-Leste,CHUN Sovannarith.

Sorumutu ne’e atu diskute no hametin kooperasaun no koordenasaun ekonómika entre Timor-Leste no Kamboja.

Iha Jantar fraternidade ne’e, parte rua aproveita oportunidade atu halo diskusaun no troka hanoin kona-ba área sira ne’ebé bele promove benefísiu mútu ba Timor-Leste no Nasaun Kamboja.

Enkontru ne’e mós sai hanesan plataforma importante ida atu hametin relasaun amizade, kooperasaun bilateral no buka oportunidade foun sira ba dezenvolvimentu iha setór oioin.

Atividade ne’e realiza iha JL salaun World Hotel organiza husi Ministru Transportes no Komunikasaun no partisipa husi Vise-Primeiru-Ministru, Ministru Koordenadór ba Asuntus Ekonómikus no Ministru Turizmu no Ambiente, Sua Exelensia Sr. Francisco Kalbuadi Lay, Ministru Agricultura, Pekuária, Peskas no Florestas, no Sekretáriu Estadu ba Kooperativas.

Presensa lideransa governamental sira ne’e reflete komitmentu Governu nian atu hametin relasaun amizade no kooperasaun entre Timor-Leste no Kamboja iha área estratéjika sira. Parte rua mós ko’alia kona-ba área prioridade sira ne’ebé bele dezenvolve hamutuk iha futuru, hodi hametin relasaun amizade no kooperasaun entre nasaun rua no lori benefísiu ba povu.

#foryoupageシ

𝙈é𝙙𝙞𝙖 𝙈𝘾𝙄

See less