Dili, 02 Juñu 2026– Ministériu Komérsiu no Indústria (MCI), liuhosi Diresaun-Jerál Indústria ne’ebé reprezenta hosi Jorge Ferreira, hasoru malu ho Banga Mawela, Reprezentante Embaixada Indonézia iha Timor-Leste, hodi halo akompañamentu ba diskusaun sira kona-ba proposta (MoU) hodi hetan apoiu ba hametin MSMEs (Micro Pequena Empresa) sira iha Timor-Leste.

Enkontru ne’e foka liu ba esplorasaun oportunidade ba kooperasaun bilaterál ne’ebé ho objetivu atu hametin dezenvolvimentu Empreza Mikro, Ki’ik, no Médiu (MME) iha Timor-Leste. MCI subliña importánsia atu hasa’e kapasidade no kompetividade empreza lokál sira-nian, partikularmente haree ba Timor-Leste nia integrasaun iha komunidade ASEAN.

Iha enkontru ne’e, Banga Mawela reafirma kompromisu Ministériu Indústria Indonézia nian, liuhusi Embaixada Indonézia iha Timor-Leste, atu fó apoiu ba avansu setór MSME Timor-Leste nian, maibe tenke liu husi proposta. katak kualkér asisténsia ne'ebé propoin sei sujeita ba avaliasaun klean ida kona-ba nesesidade no prioridade sira ne'ebé identifika iha proposta formál ida. Atu fasilita prosesu ida ne’e, ekipa téknika husi Ministériu Komérsiu no Indústria sei prepara proposta projetu no sei submete ba embaixada Indonézia hodi forma asisténsia ne’ebé apropriadu ne’ebé aliña ho nesesidade dezenvolvimentu MSMEs Timor-Leste.

#foryoupageシ #indonesiaembassy #intimorleste

#mediamci

𝙈é𝙙𝙞𝙖 𝙈𝘾𝙄

See less