Dili, 03 Juñu 2026 – Ministériu Komérsiu no Indústria (MCI), iha kolaborasaun ho Gabinete Ministru Koordenadór ba Asuntu Ekonómiku (MCAE) liuhusi Unidade Estratéjiku ba Integrasaun Ekonómika (UEIE), hala’o enkontru fasilitasaun komérsiu atu apoia implementasaun Dekretu-Lei N.º 12/2024 kona-ba Rejime Jurídiku Jerál ba Komérsiu Eletróniku no Asinatura Eletróniku.

Iha enkontru ne’e, Diretór Jerál Komérsiu, Elias de Jesus Fátima, ne’ebé reprezenta MCI, hateten katak atividade ida-ne’e ho objetivu atu hametin komprensaun institusionál kona-ba kompromisu internasionál Timor-Leste nian, liuliu hafoin adezaun ba Organizasaun Mundiál Komérsiu (OMC) iha 2024 no ASEAN iha 2025.

Partisipante sira mos halo diskusaun kona-ba aliñamentu enkuadramentu legál nasionál ba komérsiu eletróniku no asinatura eletróniku ho Akordu Enkuadramentu Ekonomia Dijitál ASEAN (DEFA), hodi asegura katak política no regulamentu nasionál sira harmoniza ho obrigasaun internasionál no apoiu integrasaun ekonómika rejionál.

Enkontru ne’e reflete esforsu governu nian atu hametin ambiente regulatóriu ba komérsiu dijitál, promove fasilitasaun komérsiu, no prepara Timor-Leste atu partisipa ho efetivu iha ekonómia dijitál rejionál no global.

#foryoupageシ #encontrocordenacao

𝙈é𝙙𝙞𝙖 𝙈𝘾𝙄

See less