𝘿𝙞𝙡𝙞, 03 𝙅𝙪ñ𝙪 2026– Ministériu Komérsiu no Indústria (MCI), liuhosi Diretór Jerál Indústria Sr. Jorge Ferreira, asina akordu ida ho Xefe Reprezentante Ajénsia Kooperasaun Internasionál Japaun (JICA) iha Timor-Leste, Sr. Daisuke Fukumori no akompaña direita husi Ministru Komérsiu no Indústria, Sr. Nino Pereira.

Objetivu prinsipal hosi asinatura akordu entre Ministériu Komérsiu no Indústria MCI ho JICA ne’e hodi reforsa kooperasaun iha área dezenvolvimentu indústria no hadi’a kapasidade Micro, Ki’ik no Médiu Empreza (MSMEs), liuhosi apoiu tékniku, transferénsia koñesimentu, formasaun profisionál no programa sira ne’ebé promove inovasaun, produtividade no kompetitividade empreza sira iha merkadu nasional no internasionál.

Akordu ne’e resulta hosi servisu ekipa levantamentu no planeamentu detalhadu JICA nian, ne’ebé hala’o missaun iha Timor-Leste entre loron 18 Maiu to’o 03 Juñu 2026, ho objetivu atu formula projetu kooperasaun téknika ho títulu “𝙋𝙧𝙤𝙟𝙚𝙩𝙪 𝙗𝙖 𝙃𝙖𝙨𝙖’𝙚 𝙄𝙢𝙥𝙡𝙚𝙢𝙚𝙣𝙩𝙖𝙨𝙖𝙪𝙣 𝙆𝙖𝙥𝙖𝙨𝙞𝙙𝙖𝙙𝙚 𝙋𝙤𝙡í𝙩𝙞𝙠𝙖 𝘿𝙚𝙯𝙚𝙣𝙫𝙤𝙡𝙫𝙞𝙢𝙚𝙣𝙩𝙪 𝙄𝙣𝙙ú𝙨𝙩𝙧𝙞𝙖 𝙣𝙞𝙖𝙣”,tuir pedidu hosi Governu Timor-Leste. Projetu ne’e sei fó apoiu ba fortalese kapasidade institusionál no téknika iha área planeamentu, formulasaun no implementasaun polítika dezenvolvimentu indústria, hodi promove kresimentu ekonomia sustentável no aumenta kompetitividade setor produtivu nasional.

Iha serimónia asinatura akordu ne’e, partisipa mós delegasaun hosi JICA no Ministériu Komérsiu no Indústria (MCI), inklui Diretór-Jerál Komérsiu, Diretóra Nasionál no Xefe Diresaun Nasionál Indústria Manufatureira, ne’ebé hatudu komitmentu hamutuk atu reforsa kooperasaun no asegura implementasaun efetiva hosi projetu ne’e ba dezenvolvimentu setor indústria iha Timor-Leste.

Media MCI

See less