𝐃í𝐥𝐢-𝐒𝐞𝐱𝐭𝐚,𝟓 𝐉𝐮ñ𝐮 𝟐𝟎𝟐𝟔

S.E Vise-Ministra Finansa Sra. Regina de Jesus de Sousa, simu vizita no despedida ikus ba Diretora Banku Dezenvolvimentu Aziátiku (ADB) Sra. Stefania Dina, country Economist Sr. Bold Sandagdorj no Country Operations Head Sr. Michael walsh, hodi ko’alia kona-ba progresu implementasaun projetu sira ne’ebé Banku Dezenvolvimentu Aziátiku (ADB) apoiu iha Timor-Leste, despedida ne’e hala’o iha Torre Ministériu Finansas.

Iha enkontru ne’e, Diretora ADB Sra. Stefania Dina reafirma komprimisu ADB nia atu kontinua servisu hamutuk ho Governu Timor-Leste hodi buka solusaun ba kestaun utilizasaun lian no dokumentu emprestimu sira, liu-liu bainhira envolve dokumentu ofisiál ne’ebé presiza verifikasaun husi Tribunal de kontas.

Diretora ADB katak tuir estatutu instituisionál ADB, lian servisu ofisiál mak inglés, maibé ADB prontu atu servisu hamutuk ho parte relevante sira atu garante katak informasaun no dokumentasaun ne’ebé presiza bele asesu ho di’ak.

Governante ne’e, hato’o nia apresiasaun boot ba lideransa nia dedikasaun no apoiu ne’ebé ADB fó durante nia mandatu no koooperasaun entre Timor-Leste ho ADB ne’ebé di’ak no fó kontribuisaun boot ba dezenvolvimentu nasaun, liu-liu iha área infraestrutura, agrikultura no reforma instituisional.

Parte rua reafirma sira nia kompromisu atu kontinua servisu hamutuk hodi garante implementasaun projetu sira ne’ebé efisiente no apoiu ba dezenvolvimentu sustentável iha Timor-Leste.

#Foto #Ekipa #Media #Ministeriufinansas

Tampilkan lebih sedikit