𝐃í𝐥𝐢-𝐊𝐮𝐚𝐫𝐭𝐚, 𝟑 𝐉𝐮ñ𝐮 𝟐𝟎𝟐𝟔

Exselénsia Vise-Ministra Finansa, Sra. Regina de Jesus de Sousa, partisipa iha reuniaun redasaun final ba Proposta Lei n.º 31/VI (3.ª), kona-ba alterasaun dahuluk ba Lei n.º 8/2025, loron 27 Novembru, ne’ebé aprova Orsamentu Jerál Estadu (OJE) ba tinan 2026.

Komisaun C ne’ebé trata Asuntu Finansas Públika, ne’ebé realiza iha Sala Konferénsia Parlamentu Nasionál, ne’ebé akompaña mós husi Asesor Jurídiku Ministériu Finansas.

Reuniaun ne’e prijidi husi Prezidenti Komisaun C ne’ebé trata Asuntu Finansas Públika, Deputada, Cedelizia dos Santos Faria, ho membru Komisaun C halo redasaun final no aprova ba Proposta Lei Alterasaun Dahuluk ba Orsamentu Retifikativu 2026.

Exselénsia Vise-Ministra Finansas, Sra. Regina de Jesus de Sousa, hateten implementasaun Orsamentu Retifikativu tenke hala’o ho transparénsia no kontabilidade atu garante utilizasaun efetivu ba rekursu públiku.

Governante katak Ministériu Finansas sei fornese informasaun kona-ba utilizasaun orsamentu liuhusi mekanismu monitorizasaun no relatóriu regular ba Parlamentu Nasionál.

Ministériu Finansas apresia aprovasaun Orsamentu Retifikativu 2026 no agradese servisu hamutuk Parlamentu Nasionál, Komisaun C no ekipa tékniku sira ne’ebé permite konklui prosesu redasaun final ne’e ho di’ak.

Redasaun final ne’e envolve revizaun no ajustamentu tékniku ba dispozisaun sira ne’ebé antes aprova ona iha plenária, tuir kompeténsia Parlamentu Nasionál. Ajustamentu total ne’ebé inklui iha prosesu ne’e hamutuk ho montante aproximadu $ 2,392 Miliaun.

Dokumentu redasaun final sei submete ba konsiderasaun ikus tuir kalendáriu Parlamentu Nasionál ne’ebé prevé prosesu remata iha loron 5 Juñu 2026.

#Foto #Ekipa #Media #Ministeriufinansas

Tampilkan lebih sedikit