Likisá, 10 Juñu 2026 – Governu liuhusi Ministru Juventude, Desportu, Arte no Kultura (MJDAK), Sua Exelénsia Nelyo Isaac Sarmento, hamutuk ho Ministru Justisa no Ministru Interiór, partisipa iha diskusaun espesialidade ba Proposta Lei No. 20/VI(3a) iha Salaun Tokodede, Munisípiu Likisá.

Diskusaun ne'ebé dirije husi Prezidente Komisaun G Parlamentu Nasionál, Deputadu Armando dos Santos Lopes, no hetan partisipasaun husi Deputadu sira Komisaun A no B, ho objetivu atu rona hanoin no hadi'a kbiit legál ba prátika arte marsiais iha ita-nia rain.

Pontu importante sira husi diskusaun ne'e:

Regula ho Didíak: Proposta lei ne'e kria ho objetivu atu regula klube ka sentru sira ne'ebé hakarak harii prátika arte marsiais, nune'e fatin no atividade sira-ne'ebé hala'o tenke ho koñesimentu legál husi autoridade lokál no federasaun desportiva relevante sira.

Evita Sira-nia An: Ministru Nelyo Isaac subliña katak regulasaun ne'e importante tebes hodi evita sentru sira-ne'e organiza an de'it ho modu independente lahó koñesimentu estadu nian, liuliu iha kooperasaun direta ho organizasaun sira iha li'ur.

Partisipasaun Inkluzivu: Diskusaun ne'ebé kontinua husi loron 10 to'o 12 Juñu ne'e mós marka prezensa husi Sekretária ba Konferénsia Episkopál Timor-Leste (CETL), KRAM, Federasaun Desportivas, FESTIL, hamutuk ho asesór no dirijente sira.

Mai ita hotu hein no apoiu pasu legál ida-ne'e, hodi dudu prátika arte marsiais ne'ebé mós ho duni dezenvolvimentu, orden, no pas ba ita-nia rain!

#MJDAK #ParlamentuNasional #ArteMarsiais #KRAM #FESTIL #TimorLeste #MediaMjdak

Ver menos