Dili, 09-06-2026—Sua Exelénsia Sekretária Estadu ba Igualdade-SEI, Sra. Elvina Sousa Carvalho, hamutuk ho Reprezentante husi ADB, Sr. Michael J. Walsh hala’o abertura ba iha Seremónia Formasaun kona-ba Programa Lider Feto Timor-Leste ba Ázia nian (ASEAN Women Leaders Program Timor-Leste) ne’ebé mak Organiza husi Banku Dezenvolvimentu Áziatiku (ADB), servisu hamutuk ho Sekretaria Estadu ba Igualdade-SEI, iha Otél Palm Spring, Fatuhada, Dili.

Objetivu jerál husi Seremónia Programa AWLP ne’e, mak atu halibur Funsiunária Senior Feto na’in 23 husi Ministériu no empreza estatál no mós LIder Feto balun husi Setór Privadu hodi hametin abilidade komunikasaun no negosiasaun lideransa nian, hari’I redi profesional sira, no promove feto sira nia partisipasaun iha prosesu foti desizaun ne’ebé forma dezenvolvimentu nasaun nian.

Sua Exelénsia Sekretária Estadu ba Igualdade-SEI, Sra. Elvina Sousa Carvalho, iha nia diskursu ba sesaun abertura nian informa katak, ohin Sekretária Estadu ba Igualdade ho Banku Dezenvolvimentu Áziatiku (ADB), servisu hamutuk atu bele organiza ASEAN Women Leaders Program, hanesan forum ida ne’ebé maka ho nia intensaun atu lori hamutuk lider husi Kargu Diretor-Jerais husi Liñas Ministeriais sira, lider husi Munisípiu sira hanesan Administrador Postu Vemase, Sekretaria Munisípiu sira, pratikamente ohin iha de’it maluk feto sira ne’ebé mak iha pozisaun lideransa atu bele mai hamutuk para hodi inspira malu, fahe esperiénsia no mós hetan materia kona-ba lideransa no jestaun ne’ebé di’ak husi espert sira ne’ebé mai husi liur para hodi bele mai fahe informasaun ne’ebé mak iha.

Formasaun ne’e nu’udar forum id aka plataforma ida ne’ebé importante tebes atu hakbiit feto maluk sira, atu nune’e feto maluk sira iha forum ida atu bele fahe esperiénsia, no formasaun ida ne’e realiza tanba iha kooperasaun servisu ne’ebé di’ak tebes entre SEI ho ADB, ho intensaun atu bele asegura katak maluk sira ne’ebé mak iha kargu pozisaun sira ne’ebé mak bele kontribui ba dezenvolvimentu ne’ebé inkluzivu liu-liu iha lideransa ne’ebé inkuzivu tebes ba oin.

Ikus liu, Sekretaria Estadu ba Igualdade-SEI hakarak hato’o apresiasaun klean ba Parseiru Dezenvolvimentu SEI nian, ne’ebé maka durante ne’e servisu hamutuk ho SEI hanesan ADB, ne’ebé ha’u hanoin forum ne’e importante tebes, no ohin ita hare’e antusiasmu tebes husi feto maluk sira ne’ebé mesak lider de’it, feto maluk sira ne’ebé ultrapasa bareira barak maibe ho hatudu abilidade ne’ebé mak esktra ordinary, tanba sira sai Diretores-Jerais, sai Administrador Postu, sai mós hanesan Sekretariu Munisípiu sira ne’ebé maka ho abilidade ne’ebé mak di’ak tebes no hetan rekuñesimentu iha sira-nia instituisaun rasik.

Dala ida tan forum ne’e serve hanesan plataforma ida para sira tur hamutuk hodi bele inspira malu no fahe esperiénsia ba malu.

Iha fatin hanesan, reprezentante husi Banku Dezenvolvimentu-ADB, Sr. Michael J. Walsh iha nia intervensau informa katak, programa ASEAN Women Leaders Program ne’e ADB nian Flaksi Program, ne’ebé mak implementa iha ADB nia Nasaun Membru inklui mós Timor-Leste, no ninian komponente fiksu maka ida ne’e relasiona ho empoderamentu feto nian, ne’e kata kami hare’e nesesidade importante inisiativu di’ak ida atu ita empodera feto sira iha liu-liu iha kareira, nune’e sira bele halo di’ak liutan ba dezenvolvimentu nasaun nian no ADB mós kontenti programa ida ne’e bele realiza ho parseiru servisu ne’ebé di’ak tebes ho Sekretaria Estadu ba Igualdade-SEI.

Programa ida ne’e finansia husi ADB nia asintensia téknika ba rejional nian ne’ebé kobre nasaun hira nian inklui mósTimor-Leste.

Iha Seremónia Formasaun ne’e, iha mós sesaun diálogu ne’ebe mak Sua Exelénsia Sekretária Estadu ba Igualdade sai hanesan oradora hodi fahe esperiénsia sua Exelénisa nian durante jornada moris nian to’o ohin loron sai hanesan lideransa feto ida ne’ebé mak agora dadaun lidera hela instituisaun SEI, ba lideransa feto sira ne’ebé mak partisipa iha seremónia refere.

Seremónia Formasaun refere, partisipa mós husi Diretór-Jerál SEI, Sr. Armando da Costa, Xefe Ganinete-SEI, Sra. Srilia Tilman Cardoso, Diretora DNDIJ-SEI, Sra. Olga da Costa Monteiro, Diretora DNAF-SEI, Sra. Apolonia da Cunha, no Lideransa Feto husi Liñas Ministeriais, no Munisípiu ne’ebé kompostu husi Administrador Postu, Sekertariu Munisípiu, Diretores-Jerais, Diretores Nasionais no Xefe Departamentu.

#Média-SEI#.

Tampilkan lebih sedikit