Dili, – Ministru Juventude, Desportu, Arte no Kultura (MJDAK), Sua Exelénsia Nelyo Isaac Sarmento, iha loron 8 fulan Juñu 2026 foin lalais nee realiza audiénsia ho reprezentante Alumni Parlamentu Foinsa’e Timor-Leste (APFTL) iha Salaun Magna MJDAK, Lesidere.

Iha enkontru ne'ebe akompaña husi Diretor Jeral Juventude ne'e, Sua Exelénsia Ministru husu ba estrutura APFTL atu laran-badinas hodi habelar sira-nia programa formasaun no kapasitasaun, liuliu ba reprezentante juventude sira (mane no feto) ne'ebé nudar membru iha Konselu Suku sira.

Pontu importante husi audiénsia ne'e:

Papél Reprezentante Suku: Maski membru Konselu Suku balu tuir fali idade la'ós ona foinsa'e (maioria tinan 40 ba leten), maibé sira mak reprezenta lian no interese joven sira-nian iha baze. Sira presiza hetan formasaun di'ak kona-ba governasaun lokál.

Inovasaun no Kreatividade: Reprezentante APFTL haktuir katak, husi tinan 2020 mai, sira serbisu hamutuk ona ho grupu joven oioin iha área agrikultura, atividade sosiál, no kria espozisaun ba produtu lokál sira.

Parseria ba Futuru: Ministru Nelyo Isaac subliña katak koñesimentu ne'ebé alumni sira-ne'e iha, presiza fahe hodi hametin organizasaun baze, nune'e bele dudu foinsa'e sira sai parseru ne'ebé produtivu ba dezenvolvimentu nasionál.

Mai ita hotu apoiu no hamutuk dudu joven Timor-Leste ba dezenvolvimentu ne'ebé inkluzivu no kreativu!

#MJDAK #Juventude #APFTL #KonseluSuku #TimorLeste #MediaMjdak

Ver menos